អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស (Antonio Guterres) បាននិយាយកាលពីថ្ងៃអង្គារថា ប្រជាជនប៉ាឡេស្ទីនជាង ៣៧.០០០នាក់ ត្រូវបានផ្លាស់ទីលំនៅ នៅតំបន់វេសបែង (West Bank) ក្នុងអំឡុងឆ្នាំ ២០២៥ ជាឆ្នាំដែលមានកម្រិតអំពើហិង្សាខ្ពស់បំផុតមិនធ្លាប់មានដែលប្រព្រឹត្តដោយអ្នកតាំងលំនៅអ៊ីស្រាអែល។ 

លោកបានព្រមានថា ស្ថានភាពជាក់ស្តែង កំពុងធ្វើឲ្យប៉ះពាល់ដល់ការរំពឹងទុកសម្រាប់ដំណោះស្រាយរដ្ឋពីរ យ៉ាងឆាប់រហ័ស។

លោក ហ្គុយតឺរេស បានប្រាប់សម័យប្រជុំដំបូងនៃគណៈកម្មាធិការអង្គការសហប្រជាជាតិស្តីពីការអនុវត្តសិទ្ធិមិនអាចកាត់ផ្តាច់បានរបស់ប្រជា

«តើឆ្នាំខាងមុខនឹងងាកទៅរកសន្តិភាព ឬក៏ធ្លាក់ចូលក្នុងភាពអស់សង្ឃឹមកាន់តែជ្រៅឡើង?»

លោក ហ្គុយតឺរេស ដែលបានពិពណ៌នាអំពីសកម្មភាពរបស់អ៊ីស្រាអែលថា មានលក្ខណៈអស្ថិរភាព និងខុសច្បាប់ក្រោមច្បាប់អន្តរជាតិ បាននិយាយថា ការពង្រីកការតាំងទីលំនៅខុសច្បាប់ ការរុះរើ ការផ្លាស់ទីលំនៅ និងការបណ្តេញចេញនៅក្នុងតំបន់វេសបែង កំពុងកើនឡើង។

លោកបានបន្ថែមថា៖«សំណើដែលទើបចេញផ្សាយថ្មីៗនេះដោយអ៊ីស្រាអែលសម្រាប់លំនៅឋានចំនួន ៣.៤០១ខ្នង នៅក្នុងតំបន់ E1 នៃតំបន់វេសបែង រួមជាមួយនឹងការរុះរើជាបន្តបន្ទាប់ គឺជារឿងគួរឲ្យព្រួយបារម្ភយ៉ាងខ្លាំង»៕