អភិបាលក្រុងលោក Vyacheslav Gladkovនិយាយកាលពីយប់ថ្ងៃអង្គារថា ផ្នែកខ្លះនៃទីក្រុង Belgorod របស់រុស្ស៊ី បានរងផលប៉ះពាល់ដោយសារការដាច់អគ្គិសនី ក្រោយការវាយប្រហាររបស់អ៊ុយក្រែន មានគោលដៅលើទីតាំងថាមពល នៅក្នុងតំបន់ ។

នៅព្រឹកថ្ងៃពុធនេះ លោក Gladkov បានបង្ហោះសារធ្វើបច្ចុប្បន្នភាពនៅលើបណ្តាញព័ត៌មានសង្គម Telegramរបស់លោក ដោយលោកនិយាយថា ការងារស្តាឡើងវិញអគ្គិសនី និងការផ្គត់ផ្គង់កម្តៅ ដល់តំបន់រងផលប៉ះពាល់ នៅកំពុងបន្ត ។

តំបន់ Belgorod ដែលនៅជាប់តំបន់ Kharkiv របស់អ៊ុយក្រែន និងពេលមុនសង្រ្គាមមានពលរដ្ឋរស់នៅ ១,៥លាននាក់ តែងតែស្ថិតក្រោមការវាយប្រហារញឹកញាប់ពីកងកម្លាំងទីក្រុងគីវ ចាប់តាំងពីរុស្ស៊ី បញ្ជាឲ្យទាហានរាប់ម៉ឺននាក់ ចូលទៅក្នុងប្រទេសអ៊ុយក្រែន កាលពីខែកុម្ភៈ ឆ្នាំ ២០២២ ។

ដោយឡែក រុស្ស៊ីតែងតែទម្លាក់គ្រាប់បែកលើហេដ្ឋារចនាសម្ព័ន្ធថាមពលអ៊ុយក្រែផងដែរ បណ្តាលឲ្យមានការដាច់អគ្គិសនីរាល់ថ្ងៃ ហើយនិងមានគោលដីដូចគ្នាលើប្រព័ន្ធកម្តៅ ក្នុងរដូវរងានេះ ៕