អនុប្រធានាធិបតីសហរដ្ឋអាមេរិក លោក J.D. Vance បានស្នើឱ្យបង្កើតប្លុកពាណិជ្ជកម្មរ៉ែដ៏សំខាន់ថ្មី និងសម្របសម្រួលការកំណត់តម្លៃ ខណៈទីក្រុងវ៉ាស៊ីនតោនព្យាយាមបន្ធូរបន្ថយការគ្រប់គ្រងរបស់ប្រទេសចិនលើការផលិតរ៉ែកម្រ។

លោក Vance បាននិយាយកាលពីថ្ងៃពុធថា សង្គ្រាមពាណិជ្ជកម្មក្នុងរយៈពេលមួយឆ្នាំកន្លងទៅនេះ បានបង្ហាញពីរបៀបដែលប្រទេសភាគច្រើនពឹងផ្អែកលើរ៉ែសំខាន់ខណៈប្រទេសចិនគ្រប់គ្រងតឹងរ៉ឹង។

លោក Vance បានថ្លែងនៅក្នុងកិច្ចប្រជុំរដ្ឋមន្ត្រីការបរទេសនៅក្រសួងការបរទេសសហរដ្ឋអាមេរិកថា «យើងចង់ឱ្យសមាជិកបង្កើតប្លុកពាណិជ្ជកម្មក្នុងចំណោមសម្ព័ន្ធមិត្ត និងដៃគូ ដែលធានាដល់ដំណើរការ ឧស្សាហកម្មរបស់អាមេរិក ខណៈក៏ពង្រីកផលិតកម្មនៅទូទាំងតំបន់ទាំងមូលផងដែរ»។

«អ្វីដែលនៅចំពោះមុខយើងទាំងអស់គ្នា គឺជាឱកាសនៃការពឹងផ្អែកលើខ្លួនឯង ដែលយើងមិនចាំបាច់ពឹងផ្អែកលើនរណាម្នាក់ផ្សេងទៀត លើកលែងតែពឹងផ្អែកគ្នាទៅវិញទៅមកសម្រាប់រ៉ែសំខាន់ដែលចាំបាច់ដើម្បីទ្រទ្រង់ឧស្សាហកម្មរបស់យើង និងដើម្បីរក្សាកំណើន»។

ប្រទេសចិន មាន៧០ភាគរយនៃរ៉ែកម្ររបស់ពិភពលោក។ រ៉ែសំខាន់ ត្រូវបានប្រើប្រាស់ក្នុងផលិតផលសំខាន់ៗជារៀងរាល់ថ្ងៃ ដូចជាស្មាតហ្វូន និងរថយន្ត។