លោក ឌីពូ ចាន់ដ្រា ដាស (Dipu Chandra Das) ជាកម្មករកាត់ដេរហិណ្ឌូអាយុ ២៧ ឆ្នាំ ត្រូវបានសហ   សេវិកមូស្លីមជាច្រើននាក់ចោទប្រកាន់កាលពីខែធ្នូថា បានធ្វើការអត្ថាធិប្បាយប្រមាថព្យាការីមហាម៉ាត់។ ការចោទប្រកាន់ទាំងនេះ បានទាក់ទាញហ្វូងមនុស្សដ៏ហិង្សាទៅកាន់កន្លែងធ្វើការរបស់លោក។ លោកត្រូវបានគេវាយដំរហូតដល់ស្លាប់ ហើយសាកសពរបស់លោក ត្រូវបានចងព្យួរពីដើមឈើ ហើយដុតចោល។

នៅទូទាំងប្រទេសបង់ក្លាដែស ជនជាតិហិណ្ឌូបានមើលរូបភាពដែលបានថតទុកនៅលើទូរស័ព្ទរបស់ពួកគេ ដោយការភ័យខ្លាច។ ការតវ៉ាបានផ្ទុះឡើងនៅទីក្រុងដាក្កា និងទីក្រុងដទៃទៀត ដោយក្រុមបាតុករទាមទារយុត្តិធម៌ និងការការពារកាន់តែច្រើន។ រដ្ឋាភិបាលបណ្តោះអាសន្នដឹកនាំដោយលោក Muhammad Yunus បានបញ្ជាឲ្យមានការស៊ើបអង្កេត ហើយនគរបាលបាននិយាយថា មនុស្សប្រហែលដប់នាក់ ត្រូវបានចាប់   ខ្លួន។

ប៉ុន្តែក្រុមសិទ្ធិមនុស្ស និងក្រុមមេដឹកនាំហិណ្ឌូ និយាយថា ការសម្លាប់នេះ មិនមែនជាទង្វើដាច់ដោយឡែកនោះទេ ប៉ុន្តែជាផ្នែកមួយនៃការកើនឡើងកាន់តែទូលំទូលាយនៃការវាយប្រហារលើសហគមន៍ជនជាតិភាគតិច ដែលជំរុញដោយការបែកបាក់គ្នាកាន់តែខ្លាំងឡើង ការលេចចេញជាថ្មីនូវឥស្លាមនិយម និងអ្វីដែលពួកគេពិពណ៌នាថា ជាវប្បធម៌នៃការអត់ទោសដែលកំពុងកើនឡើង។ ក្នុងចំណោមអ្នកកាន់សាសនាហិណ្ឌូ ការភ័យខ្លាចកាន់តែរីករាលដាល ខណៈដែលប្រទេសភាគច្រើនកាន់សាសនាឥស្លាមនេះ ឆ្ពោះទៅរកការបោះឆ្នោតជាតិ នៅថ្ងៃទី១២ ខែកុម្ភៈ។

លោក Ranjan Karmaker សកម្មជនសិទ្ធិមនុស្សហិណ្ឌូដែលមានមូលដ្ឋាននៅទីក្រុងដាក្កា បាននិយាយថា៖«គ្មាននរណាម្នាក់មានអារម្មណ៍ថា មានសុវត្ថិភាពទៀតទេ»។ «មនុស្សគ្រប់គ្នា មានការភ័យខ្លាច»៕