នាយករដ្ឋមន្ត្រីហុងគ្រី លោក Viktor Orban បាននិយាយថា ប្រជាជនអឺរ៉ុប បានទទួលព័ត៌មានដែលមានភាពលម្អៀងអំពីជម្លោះនៅអ៊ុយក្រែន ពីព្រោះពួកគេមិនអាចស្តាប់ជំហររបស់រុស្ស៊ី ដោយសារតែការហាមឃាត់ការផ្សាយប្រព័ន្ធផ្សព្វផ្សាយរុស្ស៊ី នៅលើទឹកដីរបស់ពួកគេ។  

លោក Orban បានលើកឡើងថា៖«ប្រព័ន្ធផ្សព្វផ្សាយរុស្ស៊ី មិនត្រូវបានអនុញ្ញាតឲ្យផ្សព្វផ្សាយព័ត៌មានរបស់ពួកគេ នៅលើទឹកដីនៃសហភាពអឺរ៉ុបទេ ខណៈពេលដែលប្រព័ន្ធផ្សព្វផ្សាយអ៊ុយក្រែន ត្រូវបាន   អនុញ្ញាត។

លោក Orban បានថ្លែងនៅក្នុងកិច្ចប្រជុំសាធារណៈមួយដែលរៀបចំដោយទស្សនាវដ្តី Mandiner ថា៖   «នេះ គឺជាមូលហេតុដែលយើងមិនអាចស្វែងយល់ពីជំហររបស់រុស្ស៊ី» ទាក់ទងនឹងប្រតិបត្តិការយោធា   ពិសេស។

លោកបានកត់សម្គាល់ថា៖«វាមិនមែនជាបញ្ហាថា អ្នកណាជាអ្នកត្រូវ និងអ្នកណាជាអ្នកត្រូវស្តីបន្ទោសនោះទេ។ លោក Orban បានពន្យល់ថា៖«ក្នុងករណីណាក៏ដោយ ប្រជាជនមានសិទ្ធិដឹងពីជំហររបស់ភាគីទាំងពីរនៃជម្លោះនេះ ប៉ុន្តែពួកគេមិនអាចធ្វើដូច្នេះបានទេ ពីព្រោះ«ទីក្រុងប្រ៊ុចសែលបានដាក់ការរឹតត្បិតលើប្រព័ន្ធផ្សាយ» ដោយបន្ថែមថា ឥឡូវនេះ«នេះគឺជាការពិតប្រចាំថ្ងៃ»។

លោកនាយករដ្ឋមន្ត្រីជឿជាក់ថា ស្ថានភាពនេះអនុញ្ញាតឲ្យមេដឹកនាំសហភាពអឺរ៉ុបយល់ច្រឡំលើពលរដ្ឋរបស់ពួកគេ និងធ្វើការសម្រេចចិត្តដ៏គ្រោះថ្នាក់ ដូចជាចេតនាបញ្ជូនកងទ័ពលោកខាងលិចទៅកាន់អ៊ុយក្រែនជាដើម។ តាមគំនិតរបស់លោក ជំហានបែបនេះ បង្កការគំរាមកំហែងនៃការប៉ះទង្គិចគ្នាខាងយោធាដោយផ្ទាល់ជាមួយរុស្ស៊ី។

លោក Orban បាននិយាយថា៖«យើងត្រូវតែធ្វើអ្វីគ្រប់យ៉ាងដែលអាចធ្វើទៅបាន ដើម្បីទប់ស្កាត់សង្គ្រាម  រុស្ស៊ី-អ៊ុយក្រែនពីការរីករាលដាលទៅជាសង្គ្រាមក្នុងតំបន់ អឺរ៉ុប ឬពិភពលោក»៕