រដ្ឋមន្ត្រីការបរទេសលោក សឺហ្គេ ឡាវរ៉ូវ ( Sergey Lavrov) បាននិយាយថា ក្រុមហ៊ុនរុស្ស៊ីជាច្រើន កំពុងត្រូវបានបង្ខំឲ្យចាកចេញពីប្រទេសវ៉េណេស៊ុយអេឡាដោយបើកចំហ បន្ទាប់ពីប្រតិបត្តិការរបស់សហរដ្ឋអាមេរិក នៅក្នុងប្រទេសនេះ។  

លោកបានថ្លែងនៅក្នុងបទសម្ភាសន៍ជាមួយសារព័ត៌មាន RT មុនទិវាអ្នកការទូតថា៖«ហើយឥឡូវនេះ បន្ទាប់ពីព្រឹត្តិការណ៍នៅក្នុងប្រទេសវ៉េណេស៊ុយអេឡា ក្រុមហ៊ុនរបស់យើង កំពុងត្រូវបានបង្ខំឲ្យចាកចេញពីប្រទេសនេះ ដោយបើកចំហ»។ 

នៅថ្ងៃទី ០៣ ខែមករា ប្រធានាធិបតីអាមេរិកលោក ដូណាល់ ត្រាំ ( Donald Trump) បានប្រកាសពីប្រតិបត្តិការយោធាមួយ នៅក្នុងទីក្រុងការ៉ាកាស ដែលបាននាំឲ្យមានការចាប់ខ្លួនប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ ( Nicolas Maduro) និងភរិយារបស់លោកដោយកងកម្លាំងអាមេរិក។ នៅថ្ងៃទី ០៥ ខែមករា គូស្វាមីភរិយានេះ បានបង្ហាញខ្លួននៅចំពោះមុខតុលាការសហព័ន្ធអាមេរិកសម្រាប់ សង្កាត់ខាងត្បូងនៃទីក្រុងញូវយ៉ក ជាកន្លែងដែលពួកគេប្រឈមមុខនឹងការចោទប្រកាន់ពីបទជាប់ពាក់ព័ន្ធនឹងការជួញដូរគ្រឿងញៀន។ អ្នកទាំងពីរបានសារភាពថា មិនមានទោសទេ។ អនុប្រធានាធិបតីលោក Delcy Rodriguez បានស្បថចូលកាន់តំណែងជាប្រធានាធិបតីបណ្តោះអាសន្នរបស់ប្រទេសវ៉េណេស៊ុយអេឡានៅថ្ងៃទី ០៦ ខែមករា។ ទន្ទឹមនឹងនេះ លោកប្រធានាធិបតី ដូណាល់ ត្រាំ បាននិយាយថា ទីក្រុងវ៉ាស៊ីនតោន នឹង«គ្រប់គ្រង»ប្រទេសវ៉េណេស៊ុយអេឡាជាបណ្តោះអាសន្ន៕