រដ្ឋមន្ត្រីការបរទេសចិន លោក វ៉ាង យី បានប្រាប់សមភាគីគុយបារបស់លោកនៅទីក្រុងប៉េកាំង នៅថ្ងៃព្រហស្បតិ៍នេះថា ប្រទេសចិនគាំទ្រយ៉ាងម៉ឺងម៉ាត់ចំពោះប្រទេសគុយបា ក្នុងការការពារអធិបតេយ្យភាព និងសន្តិសុខជាតិ ហើយ «ប្រឆាំងនឹងការជ្រៀតជ្រែកដោយមិនសមហេតុផលពីកម្លាំងខាងក្រៅ»។  

លោក វ៉ាង បានប្រាប់លោក Bruno Rodriguez រដ្ឋមន្ត្រីការបរគុយបា ដែលកំពុងបំពេញទស្សនកិច្ច នៅប្រទេសចិន ក្នុងនាមជាបេសកជនពិសេសថា៖យើងខ្ញុំមានឆន្ទៈក្នុងការបន្តផ្តល់ការគាំទ្រ និងជំនួយ តាមដែលអាចធ្វើទៅបាន»។ នេះបើយោងតាមសេចក្តីថ្លែងការណ៍របស់ក្រសួងការបរទេសចិន។

ទីក្រុងប៉េកាំងបានសម្តែងការគាំទ្រចំពោះប្រទេសកោះនេះ បន្ទាប់ពីភាពតានតឹង បានផ្ទុះឡើងកាលពីខែមុន រវាងសហរដ្ឋអាមេរិក និងគុយបា បន្ទាប់ពីការចាប់ខ្លួនមេដឹកនាំវ៉េណេស៊ុយអេឡា លោក នីកូឡាស ម៉ាឌូរ៉ូ ដែលជាសម្ព័ន្ធមិត្តដ៏ជិតស្និទ្ធយូរអង្វែងរបស់ប្រទេសនេះ៕