ស្ថានភាពអាកាសធាតុត្រជាក់ខុសពីធម្មតា បាននាំមកជាមួយភ្លៀងធ្លាក់ខ្លាំង អំឡុងរដូវប្រាំង បង្កឲ្យមានទឹកជំនន់ធ្ងន់ធ្ងរ នៅទូទាំងស្រុក Cordoba ប្រទេសកូឡុំប៊ី ។

យោងតាមការអះអាងរបស់អង្គភាពគ្រប់គ្រងហានិភ័យគ្រោះមហន្តរាយជាតិ(UNGRD)បានឲ្យដឹងថា មនុស្សជាង ២៧.០០០គ្រួសារ រងផលប៉ះពាល់ ក្នុងនោះស្រុក Cordoba, Cauca, Antioquia និងស្រុក Narino ស្ថិតនៅក្នុងចំណោមស្រុកដែលរងផលប៉ះពាល់ខ្លាំងជាងគេ ។

ពួកគេបន្តថា មនុស្ស ៣នាក់ បានស្លាប់ ក្រោយបំណាក់ដីកប់ពន្លិចផ្ទះជាច្រើនខ្នងនៅទីក្រុង Santa Marta ក្រោយភ្លៀងធ្លាក់ខ្លាំង ។ បំណាក់ភក់ ថ្ម និងដើមឈើ បានបាក់សង្កត់លើផ្ទះ ៨ខ្នង និងធ្វើឲ្យខូចខាតផ្ទះសម្បែងប្រជាពលរដ្ឋយ៉ាងហោច ៥០ខ្នងផ្សេងទៀត ស្របពេលដែលអ្នកស្រុកនិយាយថា ពួកគេបានឮសម្រិបបំណាក់ដីដ៏ធំមួយនៅជើងភ្នំ ស្ថិតក្នុងស្រុក Magdalena ។

នៅស្រុក Cordoba អ្នកស្រុករាប់ពាន់នាក់ បានជម្លៀសខ្លួនតាមទូកចេញពីដងផ្លូវរងការជន់លិច ពេលដែលទឹកទន្លេ San Jorge ហូរប្រៀបច្រាំង ក្នុងនោះ ក្រុមអាជ្ញាធរ បានព្រមានពីការជន់លិចភ្លាមៗ នៅតាមតំបន់ជាច្រើន ។ 

លោក Angelica Verbel គឺជាអនុរដ្ឋមន្រ្តីក្រសួងការពារជាតិកូឡុំប៊ី និយាយថា ស្ពានបាក់ និងទឹកទន្លេហូរប្រៀបច្រាំង បានកាត់ផ្តាច់ទំនាក់ទំនងទៅកាន់ទីក្រុងជាច្រើន រួមទាំងទីក្រុង និងទីក្រុង ជាទីដែលក្រុមនគរបាល និងកងកម្លាំងយោធា បានចុះប្រតិបត្តិការស្វែងរកមនុស្សបាត់ខ្លួន និងជួយសង្រ្គោះតំបន់ដាច់ស្រយាល ។

យោងតាមការអះអាងរបស់វិទ្យាស្ថានជលសាស្ត្រ ឧតុនិយម និងសិក្សាបរិស្ថាន(IDEAM) បានឲ្យដឹងថា កូឡុំប៊ីប្រឈមនឹងរដូវវប្រាំងមានភ្លៀងធ្លាក់ខ្លាំងខុសពីប្រក្រតីដែលធ្វើឲ្យភ្លៀងធ្លាក់កើនឡើងចំនួន ៦៤,៤ភាគរយ បើធៀបនឹងកម្រិតទឹកភ្លៀងធម្មតា ក្នុងនោះផលប៉ះពាល់ បានកើតមានផងដែរនៅតំបន់ការ៉ាអ៊ីប តំបន់ប៉ាស៊ីហ្វិក និងតំបន់ព្រៃជប់ភ្លៀងអាម៉ាហ្សូន ៕