រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ ( Sergey Lavrov) បានចង្អុលបង្ហាញពីភាពមិនស៊ីសង្វាក់គ្នានៃសកម្មភាពរបស់ប្រធានាធិបតីអាមេរិក លោក ដូណាល់ ត្រាំ (Donald Trump) ទាក់ទងនឹងការបន្ត ច្បាប់មួយដែលក្នុងចំណោមច្បាប់ផ្សេងៗទៀត ទាមទារឲ្យមានការរឹបអូសមាស និងទុនបម្រុងប្តូរប្រាក់បរទេសរបស់រុស្ស៊ីជាបន្តបន្ទាប់។

នៅក្នុងបទសម្ភាសន៍ជាមួយសារព័ត៌មាន RT រដ្ឋមន្ត្រីរូបនេះ បានកត់សម្គាល់ថា នៅក្នុងខែមេសា ឆ្នាំ ២០២៥ បន្ទាប់ពីភាគីរុស្ស៊ីបានបង្កើតទំនាក់ទំនងជាមួយរដ្ឋបាលលោក ត្រាំ «ច្បាប់អំណាចសេដ្ឋកិច្ចបន្ទាន់អន្តរជាតិ» ដែលដើមឡើយ ត្រូវបានអនុម័តក្រោមអតីតប្រធានាធិបតីអាមេរិក លោក ចូ បៃដិន (Joe Biden) ត្រូវបានបន្តរយៈពេលមួយឆ្នាំទៀត។

លោកបានសង្កត់ធ្ងន់ថា៖ «ច្បាប់នេះមានបទប្បញ្ញត្តិមួយដែលចែងថា មាស និងទុនបម្រុងប្តូរប្រាក់បរទេសរបស់រុស្ស៊ី ត្រូវតែស្ថិតនៅក្រោមការបង្កក ដោយសារតែ «គោលនយោបាយការបរទេសអរិភាព»របស់រុស្ស៊ី។ ច្បាប់នេះ ត្រូវបានបោះត្រាយ៉ាងច្បាស់លាស់ ហើយរដ្ឋបាលនេះ មិនបានចាត់វិធានការ ដើម្បីដកវាចេញ កែប្រែវា ឬពន្យល់ពីកាលៈទេសៈនោះទេ ដែលនៅក្នុងទំនាក់ទំនងរបស់យើង បានក្លាយទៅជាខុសគ្នាទាំងស្រុង។ លើសពីនេះ កិច្ចព្រមព្រៀងរបស់រដ្ឋ    បាលបច្ចុប្បន្នអំពីអ្វីដែលកំពុងកើតឡើង គឺខុសគ្នាទាំងស្រុងពីកិច្ចព្រមព្រៀងរបស់លោក ចូ បៃដិន»៕