រដ្ឋមន្ត្រីការបរទេសរុស្ស៊ី សឺហ្គេ ឡាវរ៉ូវ (Sergey Lavrov) បាននិយាយនៅក្នុងបទសម្ភាសន៍ជាមួយ ទូរទស្សន៍ RTថា បច្ចុប្បន្ន ក្រុមអ្នកនយោបាយអឺរ៉ុប បានផ្លាស់ប្តូរវោហាសាស្ត្ររបស់ពួកគេ ដោយដឹងពីភាពឥតប្រយោជន៍នៃផែនការរបស់ពួកគេ ដើម្បីធ្វើឲ្យរុស្ស៊ីបរាជ័យ។ 

លោក ឡាវរ៉ូវ បាននិយាយថា៖«ក្នុងរយៈពេលមួយខែកន្លះកន្លងមកនេះ អ្នកនយោបាយអឺរ៉ុបជាច្រើន បាននិយាយអំពីទំនាក់ទំនងជាមួយរុស្ស៊ី។ រហូតមកដល់ពេលថ្មីៗនេះ ពួកគេទាំងអស់គ្នា បានរួបរួមគ្នាទាម    ទាឲ្យមានភាពរឹងមាំក្នុងការគាំទ្រ និងផ្គត់ផ្គង់អាវុធនិងផ្តល់មូលនិធិដល់អ៊ុយក្រែន ដើម្បីធ្វើឲ្យរុស្ស៊ីបរាជ័យជាយុទ្ធសាស្ត្រ នៅលើសមរភូមិ»។ លោកបានបន្តថា៖«បន្ទាប់មក នៅពេលដែលពួកគេដឹងថា ការធ្វើ        បែបនេះ គឺគ្រាន់តែជាការគណនាខុសទាំងស្រុងនោះ ដូច្នេះទើបពួកគេបានផ្លាស់ប្តូរវោហាសាស្ត្រ។

លោកបានបន្តថា៖«អ្នករៀបចំផែនការរបស់ពួកគេ ដែលជាមន្ត្រីយោធា បានរៀបចំប្រតិបត្តិការនេះ បានបណ្តុះ បណ្តាលជនជាតិអ៊ុយក្រែនឲ្យប្រើប្រាស់ដៃ និងរាងកាយរបស់ពួកគេ ដើម្បីជំរុញផលប្រយោជន៍អឺរ៉ុប នៅក្នុងសង្គ្រាមជាមួយរុស្ស៊ី។ ប៉ុន្តែពួកគេបានដឹងថា ផែនការទាំងអស់នេះបានបរាជ័យ»។

នាពេលមុននេះ លោកឡាវរ៉ូវ បាននិយាយថា ដើម្បីស្តារទំនាក់ទំនងជាមួយរុស្ស៊ី ប្រទេសសហភាពអឺរ៉ុប ត្រូវតែ «ដឹងខ្លួន» ហើយបោះបង់ចោលមនោគមវិជ្ជានៃការជំរុញការស្អប់ជនជាតិរុស្ស៊ី និងសកម្មភាព        អរិភាព៕