ពិធីបុណ្យផ្ការីសាគូរ៉ាភ្នំ Fuji ប្រទេសជប៉ុន ត្រូវបានលុបចោល ក្រោយអ្នកស្រុកនិយាយត្អូញត្អែរពីចំនួនភ្ញៀវទេសចរច្រើនហួសប្រមាណ បង្កឡើងដោយសារប្រាក់យ៉េនចុះថោក ។

ទីក្រុង Fujiyoshida ស្ថិតនៅតំបន់ភាគកណ្តាល Yamanashi ប្រទេសជប៉ុន និយាយថា ពិធីបុណ្យរយៈពេលច្រើនសប្តាហ៍ដែលទាក់ទាញភ្ញៀវទេសចរប្រហែល ២០ម៉ឺននាក់ ត្រូវបានលុបចោលក្នុងឆ្នាំនេះ ដោយសារជីវិតស្ងប់ស្ងាត់របស់អ្នកសុ្រក រងការគំរាមកំហែង ។

គួរឲ្យដឹងថា ភ្ញៀវទេសចរប្រហែល ៤២,៧លាននាក់ បានសម្រុកធ្វើដំណើរទៅកាន់ប្រទេសជប៉ុនក្នុងឆ្នាំ ២០២៥ ដែលជាចំនួនខ្ពស់បំផុតជាប់កំណត់ត្រាលើសចំនួនភ្ញៀវទេសចរជាប់កំណត់ត្រា ៣៧លានាក់ក្នុងឆ្នាំ ២០២៤ ស្របពេលប្រាក់យ៉េនចុះថោក បានជំរុញឲ្យជប៉ុនក្លាយជាគោលដៅទេសចរណ៍ដ៏ទាក់ទាញ់ ។

ប៉ុន្តែការតវ៉ាបានកើតមាននៅតាមតំបន់ទាក់ទាញ់ជាច្រើនដូចជានៅខេត្ត Kyoto ជាទីដែលគេចោទប្រកាន់ថា ភ្ញៀវទេសចរបានប្រមាថការសម្តែងសម្លៀកបំពាក់ប្រពៃណីគីម៉ូណុ ។

ទីក្រុង Fujiyoshida និយាយថា លំហូរចូលភ្ញៀវទេសចរ បានធ្វើឲ្យកកស្ទះចរាចរណ៍ ហើយការដើរជាន់សួនកម្សាន្ត ត្រូវបានរយការណ៍ផងដែរដោយអ្នកស្រុក ។

លោក Shigeru Horiuchi គឺជាអភិបាលក្រុង Fujiyoshida និយាយនៅក្នុងសេចក្តីថ្លែងការណ៍ថា នៅពីក្រោយភ្នំ Fuji ការរស់នៅស្ងៀមស្ងាត់របស់ពលរដ្ឋ រងការគំរាមកំហែង ហើយពួកយើងយល់ច្បាស់ពីវិបត្តិមួយនេះ ៕