យោងតាមសេចក្តីថ្លែងការណ៍រួមរបស់នាយករដ្ឋមន្ត្រីរុស្ស៊ី លោក Mikhail Mishustin និងអនុប្រធានាធិបតីប្រេស៊ីល លោក Geraldo Alckmin បន្ទាប់ពីកិច្ចប្រជុំនៃគណៈកម្មការកម្រិតខ្ពស់ស្តីពីកិច្ចសហប្រតិបត្តិការរវាងប្រទេសទាំងពីរ  ទីក្រុងមូស្គូ និងទីក្រុងប្រេស៊ីលយ៉ា (Brasilia) កំពុងថ្លឹងថ្លែងពង្រីកពាណិជ្ជកម្មរវាងប្រទេសទាំងពីរ ជាគោលដៅអាទិភាពមួយ។ 

សេចក្តីថ្លែងការណ៍ បានកត់សម្គាល់ថា គោលដៅនេះ ត្រូវបានកំណត់ នៅក្នុងបរិបទនៃបញ្ហាប្រឈមពីខាងក្រៅ»។ បន្ថែមពីលើការពង្រីកបរិមាណ ប្រទេសទាំងពីរ មានគម្រោង «លើកកម្ពស់ការពង្រីកនូវ ពាណិជ្ជកម្មចម្រុះ រួមទាំងតាមរយៈផលិតផលដែលមានតម្លៃបន្ថែមខ្ពស់»។

មេដឹកនាំរដ្ឋាភិបាលទាំងពីរ បានសរសើរកិច្ចសហប្រតិបត្តិការរវាងសហគ្រិនរុស្ស៊ី និងប្រេស៊ីល នៅកន្លែងផ្សេងៗគ្នា និង «បានកត់សម្គាល់ពីកម្រិតខ្ពស់នៃកិច្ចសហប្រតិបត្តិការរវាងសេវាគយរបស់ប្រទេសទាំងពីរ ដែលមានគោលបំណងសម្រួលដល់កំណើននៃពាណិជ្ជកម្មទៅវិញទៅមក និងធានាសន្តិសុខ និងភាពស្របច្បាប់របស់ខ្លួន»។ ជាពិសេស លោក Mishustin និងលោក Alckmin បានកត់សម្គាល់ពី «កិច្ចសហប្រតិបត្តិការគយដែលផ្តល់ផលប្រយោជន៍ទៅវិញទៅមក» នៅក្នុងប្រ៊ីក( BRICS)៕