យោងតាមប្រភពព័ត៌មានចំនួនបីដែលដឹងពីបញ្ហា បានឲ្យដឹងថា អ្នកចរចាសហរដ្ឋអាមេរិក និងអ៊ុយក្រែនបានពិភាក្សាគ្នាអំពីគោលដៅដ៏មហិច្ឆតាមួយនៅខែមីនា សម្រាប់រុស្ស៊ីនិងអ៊ុយក្រែន ដើម្បីឯកភាពគ្នាលើកិច្ចព្រមព្រៀងសន្តិភាព ទោះបីជាពេលវេលានោះទំនងជានឹងងាកចេញដោយសារតែខ្វះកិច្ចព្រមព្រៀងលើបញ្ហាសំខាន់ៗនៃទឹកដីក៏ដោយ។

យោងតាមប្រភពព័ត៌មានចំនួន៥បានឲ្យដឹងថា ក្រោមក្របខណ្ឌដែលកំពុងត្រូវបានពិភាក្សាដោយអ្នកចរចាសហរដ្ឋអាមេរិក និងអ៊ុយក្រែនកិច្ចព្រមព្រៀងណាមួយ នឹងត្រូវបានបញ្ជូនទៅធ្វើប្រជាមតិដោយអ្នកបោះឆ្នោតអ៊ុយក្រែន។ ក្រុមអ្នកចរចាសហរដ្ឋអាមេរិក ដឹកនាំដោយបេសកជនពិសេស លោក Steve Witkoff និងកូនប្រសាររបស់លោកប្រធានាធិបតី Donald Trump គឺលោក Jared Kushner បានបង្ហាញទៅកាន់សមភាគីអ៊ុយក្រែននៅក្នុងកិច្ចប្រជុំកាលពីពេលថ្មីៗនេះនៅទីក្រុងAbu Dhabi និង Miami ថា វាជាការល្អបំផុតប្រសិនបើការបោះឆ្នោតធ្វើឡើងក្នុងពេលឆាប់ៗ។

ប្រភពចំនួនពីរបាននិយាយថា អ្នកចរចាសហរដ្ឋអាមេរិកបាននិយាយថា លោក Trump ទំនងជាផ្តោតសំខាន់ការយកចិត្តទុកដាក់បន្ថែមទៀតលើកិច្ចការផ្ទៃក្នុងនៅពេលដែលការបោះឆ្នោតពាក់កណ្តាលអាណត្តិរបស់សភានៅខែវិច្ឆិកាខិតជិតមកដល់ មានន័យថាមន្ត្រីជាន់ខ្ពស់សហរដ្ឋអាមេរិកនឹងមានពេលវេលា និងដើមទុននយោបាយតិចជាងមុនក្នុងការចំណាយលើការផ្សាភ្ជាប់ទៅនឹងកិច្ចព្រមព្រៀងសន្តិភាព។ កិច្ចចរចាជុំទីពីរដែលសម្របសម្រួលដោយសហរដ្ឋអាមេរិក បានបញ្ចប់កាលពីថ្ងៃព្រហស្បតិ៍នៅទីក្រុងអាប៊ូ ដាប៊ី ដោយមានការដោះលែងឈ្លើយសឹកចំនួន ៣១៤ នាក់ និងការប្តេជ្ញាចិត្តក្នុងការបន្តកិច្ចចរចាក្នុងពេលឆាប់ៗនេះ។ ប្រធានាធិបតីអ៊ុយក្រែន លោក Volodymyr Zelenskiy បាននិយាយថា កិច្ចប្រជុំត្រីភាគីបន្ទាប់ ទំនងជានឹងធ្វើឡើងក្នុងពេលឆាប់ៗនៅសហរដ្ឋអាមេរិក។