អង្គការសុខភាពពិភពលោក (WHO) បាននិយាយកាលពីថ្ងៃអាទិត្យថា តំបន់ Kordofan ខាងត្បូងរបស់ប្រទេសស៊ូដង់ បានឃើញការវាយប្រហារលើមណ្ឌលសុខភាពចំនួនបី ក្នុងរយៈពេលមួយសប្តាហ៍កន្លងមកនេះ ដែលបានបណ្តាលឲ្យមនុស្សជាង ៣០នាក់ស្លាប់។ 

លោក Tedros Adhanom Ghebreyesus ប្រធានអង្គការសុខភាពពិភពលោក បានព្រមាននៅលើប្រព័ន្ធផ្សព្វផ្សាយ X ថា៖«ប្រព័ន្ធសុខាភិបាលរបស់ប្រទេសស៊ូដង់ ត្រូវបានវាយប្រហារម្តងទៀត»។

កងទ័ពស៊ូដង់ និងកងកម្លាំងគាំទ្ររហ័ស (RSF) បានធ្វើសង្គ្រាម ចាប់តាំងពីខែមេសា ឆ្នាំ ២០២៣ ដោយជម្លោះនេះបានបណ្តាលឲ្យមនុស្សរាប់ម៉ឺននាក់ស្លាប់ រាប់លាននាក់ទៀតផ្លាស់ទីលំនៅ និងបង្កឲ្យមានវិបត្តិមនុស្សធម៌ដ៏អាក្រក់បំផុតមួយនៅក្នុងពិភពលោក។

នៅក្នុងតំបន់Kordofanភាគកណ្តាលនៃប្រទេសស៊ូដង់ ជាកន្លែងដែលការប្រយុទ្ធគ្នា កំពុងរាលដាល

លោក Tedros បាននិយាយថា ប្រព័ន្ធសុខាភិបាល បានរងការវាយប្រហារយ៉ាងច្រើនរាប់មិនអស់។

លោកបានបញ្ជាក់ថា៖«ក្នុងមួយសប្តាហ៍កន្លងមកនេះ មណ្ឌលសុខភាពចំនួនបី ត្រូវបានវាយប្រហារ នៅ ក្នុងតំបន់ Kordofan ខាងត្បូង ជាតំបន់មួយដែលកំពុងរងទុក្ខដោយសារកង្វះអាហារូបត្ថម្ភដ៏ធ្ងន់ធ្ងររួចទៅហើយនោះ»។

នៅថ្ងៃទី ០៣ ខែកុម្ភៈ លោក Tedros បាននិយាយថា ការវាយប្រហារលើមណ្ឌលសុខភាពបឋមមួយ បានសម្លាប់មនុស្ស ៨នាក់ កុមារ ៥នាក់ និងស្ត្រី ៣នាក់ និង ១១នាក់ រងរបួស៕