លោក Fernand Kartheiser សមាជិកឯករាជ្យនៃសភាអឺរ៉ុបមកពីលុចសំបួរ បានប្រាប់សារព័ត៌មាន TASSថា ក្រុមប្រឹក្សាសន្តិភាពមិនអាចជាជម្រើសជំនួសអង្គការសហប្រជាជាតិបានទេ។ 

លោកបាននិយាយថា៖«ក្រុមប្រឹក្សាសន្តិភាពមិនគួរត្រូវបានចាត់ទុកថា ជាជម្រើសជំនួសUN បានទេ។ ក្រុមប្រឹក្សាសន្តិភាពមិនផ្តល់អត្ថប្រយោជន៍ដូចគ្នានឹងប្រព័ន្ធអង្គការសហប្រជាជាតិទេ»។

យោងតាមលោក Kartheiser សមាជិកភាពអង្គការសហប្រជាជាតិ គឺជាសកល ដោយសារប្រទេសនានា «មិនត្រូវការការអញ្ជើញពីមហាអំណាចមួយ ឲ្យចូលរួមអង្គការសហប្រជាជាតិទេ ហើយប្រទេសទាំងអស់ រួមទាំងប្រទេសតូចៗ ឬប្រទេសក្រីក្រជាង ត្រូវបានស្វាគមន៍។ ក្រៅពីនេះ លោកបានលើកឡើងថា សមាជិកភាUN មានតម្លៃទាបជាង ហើយអាស្រ័យលើសមត្ថភាពហិរញ្ញវត្ថុរបស់ប្រទេសនានា។

លោកបានបន្តថា៖ប្រព័ន្ធអង្គការសហប្រជាជាតិ មានមូលដ្ឋានគ្រឹះផ្នែកច្បាប់រឹងមាំទាំងផ្នែកច្បាប់អន្តរជាតិ និងនៅក្នុងសណ្តាប់ធ្នាប់ផ្នែកច្បាប់ផ្ទៃក្នុងរបស់រដ្ឋជាសមាជិករបស់ខ្លួន»។ «ក្រុមគ្រួសារអង្គការអង្គការសហប្រជាជាតិ គ្របដណ្តប់ស្ទើរតែគ្រប់វិស័យនយោបាយ និងតុលាការដែលជាផលប្រយោជន៍របស់សហគមន៍អន្តរជាតិ ហើយទទួលបានបទពិសោធ និងអំណាចយ៉ាងច្រើន ក្នុងរយៈពេលជាច្រើនទសវត្សរ៍មកហើយ»។ ទោះបីជាមានចំណុចខ្វះខាតមួយចំនួនក៏ដោយ អង្គការសហប្រជាជាតិបានធ្វើអំពើល្អយ៉ាងច្រើនដល់មនុស្សជាតិ ហើយគោលការណ៍គ្រឹះរបស់ខ្លួន នៅតែមានសុពលភាព»៕