អង្គការសហប្រជាជាតិបាននិយាយថា ការវាយប្រហារដោយយានដ្រូនដ៏បង្ហូរឈាមទៅលើជនស៊ីវិលនៅតែបន្តកើតមានក្នុងតំបន់ Kordofan ប្រទេសស៊ូដង់ ខណៈតំបន់ភាគកណ្តាលបានលេចចេញជាសមរភូមិចុងក្រោយនៅក្នុងជម្លោះរយៈពេលជិតបីឆ្នាំរបស់ប្រទេសស៊ូដង់។

ថ្លែងទៅកាន់ក្រុមប្រឹក្សាសិទ្ធិមនុស្សនៅទីក្រុងហ្សឺណែវ ប្រទេស្វីសកាលពីថ្ងៃចន្ទ ឧត្តមស្នងការសិទ្ធិមនុស្សអង្គការសហប្រជាជាតិលោក Volker Turk បានគូររូបភាពដ៏គួរន្ធត់នៃជម្លោះរវាងកងកម្លាំងប្រដាប់អាវុធស៊ូដង់(SAF) និងកងកម្លាំងគាំទ្ររហ័ស(RSF) ដែលបានធ្វើឱ្យប្រទេសនេះធ្លាក់ចូលទៅក្នុងការបង្ហូរឈាមយ៉ាងរាលដាល និងមហន្តរាយមនុស្សធម៌។

លោក Turk បាននិយាយថា «យើងអាចរំពឹងថានឹងកាន់តែធ្ងន់ធ្ងរ» លុះត្រាតែមានវិធានការខ្លាំងក្លាធ្វើឡើងដោយសហគមន៍អន្តរជាតិដើម្បីបញ្ឈប់ការប្រយុទ្ធ ដោយលោកបានសង្កត់ធ្ងន់ថា ភាពអសកម្មនឹងនាំឱ្យមានភាពភ័យរន្ធត់កាន់តែខ្លាំង។

លោក Turk ក៏បានបញ្ជាក់ពីសក្ខីកម្មដ៏ភ័យខ្លាចរបស់អ្នករស់រានជីវិតពីទីក្រុង el-Fasher ជារដ្ឋធានីនៅភាគខាងជើងទីក្រុង Darfur ដែលបានធ្លាក់ទៅក្នុងដៃកងកម្លាំងគាំទ្ររហ័សកាលពីខែតុលា បន្ទាប់ពីការហ៊ុមព័ទ្ធរយៈពេល១៨ខែ។ លោកបានពិពណ៌នាអំពីរឿងរ៉ាវឧក្រិដ្ឋកម្មដ៏ឃោរឃៅប្រព្រឹត្តដោយកងកម្លាំងយោធាប៉ារ៉ាបន្ទាប់ពីពួកគេបានឈ្លានពានទីក្រុងនេះ រួមទាំងការសម្លាប់រង្គាល និងការរំលោភបំពានធ្ងន់ធ្ងរផ្សេងទៀតដែលបានដាក់គោលដៅលើជនស៊ីវិល។