អ្នកបោះឆ្នោតក្រុមGen-Z នៅប្រទេសបង់ក្លាដែស ដែលភាគច្រើនបោះឆ្នោតជាលើកដំបូងកំពុងខិតកាន់តែជិតដល់ការបោះឆ្នោតជាតិនៅខែក្រោយ មានក្តីសង្ឃឹម ការសង្ស័យ និងការទាមទារឱ្យមានការផ្លាស់ប្តូរ។

លោក Amirul Karim អាយុ២៥ឆ្នាំ ជានិស្សិតនៅសាកលវិទ្យាល័យ Dhaka បាននិយាយថា អ្នកបោះឆ្នោតវ័យក្មេងចង់បានការផ្លាស់ប្តូរដោយលោក «សង្ឃឹមថាមនុស្សទាំងអស់នឹងត្រូវបានចាត់ទុកជាពលរដ្ឋ ពុំមែនដោយសម្ព័ន្ធភាពនយោបាយរបស់ពួកគេទេ» ហើយការបោះឆ្នោតនេះ មានសារៈសំខាន់ខ្លាំងក្នុងការធ្វើឱ្យប្រទេសមានស្ថិរភាពបន្ទាប់ពីមានភាពវឹកវររយៈពេលជាច្រើនខែមកនេះ។ «យើងកំពុងផ្លាស់ប្តូរពីបដិវត្តន៍ទៅជាស្ថានភាពស្ថិរភាព។ ដើម្បីនាំមកនូវស្ថិរភាព យើងត្រូវការរដ្ឋាភិបាលជាប់ឆ្នោត»។

និស្សិតអាយុ២៥ឆ្នាំម្នាក់ ជឿជាក់ថា គណបក្សនានាកំពុងទាក់ទាញអ្នកបោះឆ្នោតវ័យក្មេងដោយមិនបានដោះស្រាយកង្វល់ពិតប្រាកដរបស់ពួកគេឡើយ។ «ពួកគេមិនព្រួយបារម្ភអំពីអ្វីដែលយើងគិតនោះទេ ប៉ុន្តែជាអ្នកណាដែលយើងបោះឆ្នោតឱ្យ យើងពេញចិត្តចំពោះកំណែទម្រង់ដែលបានស្នើឡើង»។

ដោយមានអ្នកបោះឆ្នោតលើកដំបូងរាប់លាននាក់ ក្រុម Gen-Z នៅក្នុងប្រទេសអាស៊ីខាងត្បូងមួយនេះ ក្នុងឆ្នាំ២០២៤ បានដឹកនាំការបះបោរដែលបានផ្តួលរំលំរបបផ្តាច់ការកណ្តាប់ដៃដែក ហើយបានបង្ខំឱ្យអតីតនាយករដ្ឋមន្ត្រីភៀសខ្លួនទៅកាន់ប្រទេសឥណ្ឌាដែលនៅជិតខាង បន្ទាប់ពីការតវ៉ាដ៏បង្ហូរឈាមនៅតាមដងផ្លូវ។