ទីភ្នាក់ងារសារព័ត៌មានរដ្ឋ Xinhua បានរាយការណ៍ថា មន្ត្រីជាន់ខ្ពស់លំដាប់ទី២ របស់ប្រទេសចិន គឺលោកនាយករដ្ឋមន្ត្រី Li Qiang បានទៅត្រួតពិនិត្យរោងចក្ររ៉ែកម្រ នៅក្នុងខេត្ត Jiangxi ភាគខាងត្បូង កាលពីថ្ងៃអង្គារ (ទី១០ ខែកុម្ភៈ ឆ្នាំ២០២៦) ដោយប្រើប្រាស់ឱកាសនេះ ដើម្បីព្រលយពីការប្រកួតប្រជែងកាន់តែខ្លាំងឡើងៗ ជាមួយសហរដ្ឋអាមេរិក ពាក់ព័ន្ធនឹងរ៉ែយុទ្ធសាស្ត្រ។

ការទៅត្រួតពិនិត្យ នៅមុនថ្ងៃឈប់សម្រាកបែបនេះ គឺជាទម្លាប់ធម្មតា ដើម្បីឲ្យថ្នាក់ដឹកនាំជាន់ខ្ពស់របស់ប្រទេសចិន បង្ហាញនូវទិសដៅគោលនយោបាយ មុនពេលពិធីបុណ្យចូលឆ្នាំប្រពៃណីចិន ចាប់ផ្តើម។

ការប្រកាសព័ត៌មាន នៅថ្ងៃពុធនេះ បានចង្អុលបង្ហាញយ៉ាងល្អប្រសើរ អំពីរបៀបទទួលបានលទ្ធភាពនៃការប្រើប្រាស់ធនធាន ដែលមានសារៈសំខាន់ៗ សម្រាប់អ្វីៗគ្រប់យ៉ាង រាប់ចាប់ពីរថយន្ត រហូតដល់ស្មាតហ្វូន ដែលបានក្លាយជាចំណុចមានប្រៀបដ៏មានឥទ្ធិពលបំផុតរបស់ទីក្រុងប៉េកាំង នៅក្នុងការចរចាជាមួយទីក្រុងវ៉ាស៊ីនតោន។

លោក Li ត្រូវបានដកស្រង់សម្តី ដែលបាននិយាយថា «តម្លៃដ៏សំខាន់នៃរ៉ែកម្រ ក្នុងការអភិវឌ្ឍផលិតកម្មទំនើប និងការលើកកម្ពស់ការផ្លាស់ប្តូរបៃតង និងកាបូនទាប កំពុងលេចធ្លោកាន់តែខ្លាំងឡើង» ដោយនេះជាការលើកឡើងដែលសំដៅដោយប្រយោលដល់ការរំខានដែលក្រុមហ៊ុនផលិតនានា ជួបប្រទះកាលពីឆ្នាំមុន នៅពេលដែលប្រទេសចិន បានរឹតបន្តឹងការគ្រប់គ្រងការនាំចេញរ៉ែកម្រភ្លាមៗ បន្ទាប់ពីទីក្រុងវ៉ាស៊ីនតោន បានរឹតត្បិតការវិនិយោគរបស់ចិនបន្ថែមទៀត នៅសហរដ្ឋអាមេរិក។

លោក Li បានសង្កត់ធ្ងន់ថា៖ «វាចាំបាច់ក្នុងការលើកកម្ពស់ការធ្វើសមាហរណកម្មយ៉ាងស៊ីជម្រៅនៃឧស្សាហកម្ម ការសិក្សា ការស្រាវជ្រាវ និងការអនុវត្ត (និង) ពង្រីកការអនុវត្តបច្ចេកវិទ្យារ៉ែកម្រ»៕