អឺរ៉ុប៖ សម្ព័ន្ធយោធាណាតូបានពង្រាយកងទ័ពប្រមាណ ៣០,០០០នាក់, នាវា ៥០គ្រឿង និងយន្តហោះ ២០០គ្រឿងពីរដ្ឋជាសមាជិកចំនួន ២៧ប្រទេសនៅក្នុងប្រទេសន័រវេស ដើម្បីធ្វើសមយុទ្ធយោធារយៈពេលវែងតាមផែនការដែលបានគ្រោងទុកដែលមានឈ្មោះថា ការឆ្លើយតបតាមមធ្យោបាយត្រជាក់ (‘Cold Response’) ដែលបានចាប់ផ្ដើមកាលពីថ្ងៃចន្ទ និងបន្តរហូតដល់ខែមេសា។
តាមការបកស្រាយនៅលើគេហទំព័រកងកម្លាំងប្រដាប់អាវុធន័រវេស សមយុទ្ធនេះនឹងធានាថា កងកម្លាំងន័រវេស និងសម្ព័ន្ធមិត្តមានសមត្ថភាពធ្វើប្រតិបត្តិការចម្រុះដ៏ស្មុគស្មាញ ក្នុងបរិស្ថានតាមតម្រូវការ និងស្ថានភាពប្រកួតប្រជែងបំផុត។ ស្ថិតក្រោមការតាមដានពីពិភពលោក សមយុទ្ធនេះបានកើតឡើងក្នុងការចាប់ផ្ដើមរយៈពេល ២សប្ដាហ៍ ដែលគេបានមើលឃើញកងទ័ពប្រមាណ ៣០,០០០នាក់ចាប់ពីប្រទេសតំបន់អឺរ៉ុបដល់អាមេរិកខាងជើង។
លោកឧត្ដមនាវី Rob Bauer ប្រធានគណៈកម្មការយោធាសម្ព័ន្ធណាតូបាននិយាយថា សមយុទ្ធនេះមិនជាប់ពាក់ព័ន្ធនឹងការវាយប្រហាររបស់រុស្ស៊ីលើអ៊ុយក្រែនទេ តែវាជាការប្រឆាំងទៅនឹងអ្វីដែលស្ថិតនៅពីក្រោយការវាយលុកនោះ។ លោកថា វាមានរយៈពេល ២២ថ្ងៃហើយចាប់តាំងពីរុស្ស៊ីបានវាយប្រហារជាថ្មីលើអ៊ុយក្រែន ហើយលើកនេះគឺជាការបំពានច្បាប់អន្តជាតិ។ យ៉ាងណាក៏ដោយ សម្រាប់យើងវាកាន់តែសំខាន់ទៀតក្នុងការត្រៀម ក្រែងមានហេតុការណ៍អាក្រក់កើតឡើងខុសពីការរំពឹងទុក៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
