ចាប់ពីប្រទេសអាហ្សង់ទីន រហូតដល់អូស្រ្តាលី រលកកម្តៅជាប់កំណត់ត្រា និងភ្លើងឆេះព្រៃ កំពុងវាយប្រហារអឌ្ឍគោលខាងត្បូង នៅដើមឆ្នាំ ២០២៦នេះ ស្របពេលដែលក្រុមអ្នកវិទ្យាសាស្រ្ត រំពឹងថានឹងមានសីតុណ្ហភាពក្តៅជាងមុន ក្រោយរយៈពេល ៣ឆ្នាំនៃរលកកម្តៅជាប់កំណត់ត្រា ។

ក្នុងខែមករា រលកកម្តៅជាប់កំណត់ត្រា បានកើតមាននៅប្រទេសអូស្រ្តាលី ធ្វើឲ្យសីតុណ្ហភាពកើនឡើងរហូតជិតដល់ ៥០អង្សាសេ ខណៈរលកកម្តៅ និងភ្លើងឆេះព្រៃដ៏គ្រោះថ្នាក់ បានផ្ទុះឡើងនៅទូទាំងអាមេរិកឡាទីន ធ្វើឲ្យកន្លែងដាច់ស្រយាលមួយចំនួននៅតំបន់ Patagonia របស់អាហ្សង់ទីន រងការឆាបឆេះ និងបានវាយប្រហារទីក្រុងតំបន់ឆ្នេរជាច្រើនរបស់ឈីលី ដោយបានសម្លាប់មនុស្ស ២១នាក់ ។

ហេតុការណ៍អាកាសធាតុនេះ បានកើតមានឡើង ស្របពេលដែលពិភពលោកស្ថិតក្រោមឥទ្ធិពលអាកាសធាតុត្រជាក់សកលនៃបាតុភូតចុះខ្សោយ ឡា នីញ៉ា ដែលបានចាប់ផ្តើមឡើងកាលពីខែធ្នូ ឆ្នាំ ២០២៤ ប៉ុន្តែផ្ទុយទៅវិញ សីតុណ្ហភាពត្រជាក់ជាប់កំណត់ត្រា ត្រូវបានរកឃើញនៅទូទាំងសកលលោក ផងដែរ ។

លោក Theodore Keeping គឺជាអ្នកវិទ្យាសាស្រ្តអាកាសធាតុដែលជំនាញលើបញ្ហាភ្លើងឆេះព្រៃ និងរលកកម្តៅ នៅមហាវិទ្យាល័យវាយតម្លៃអាកាសធាតុពិភពលោកចក្រពត្តិក្រុងឡុងដ្រ៍ និយាយថា នេះមានន័យថា ឥទ្ធិពលរបស់មនុស្សលើបម្រែបម្រួលអាកាសធាតុ គឺជាបម្រែបម្រួលធម្មជាតិដ៏លើសលប់ ។

លោកបន្តថា ពេលដែលពួកយើងផ្លាស់ប្តូរទៅដំណាក់កាលអព្យាក្រឹត ឬបាតុភូត ឡា នីញ៉ូ ពួកយើងរំពឹងថា ហេតុការណ៍អាកាសធាតុក្តៅខ្លាំងបំផុតនៅជុំវិញពិភពលោក នឹងកាន់តែខ្លាំងក្លាជាងនេះថែមមួយកម្រិតទៀត ៕