ក្រសួងការពារជាតិរបស់ប្រទេសម៉ិកស៊ិកកាលពីថ្ងៃពុធ ទី១១ ខែកុម្ភៈ បានបង្ហាញប្រព័ន្ធសន្តិសុខប្រឆាំងយានដ្រូនដែលខ្លួនមានផែនការប្រើប្រាស់ដើម្បីជួយការពារពហុកីឡដ្ឋាន និងតំបន់អ្នកគាំទ្រ ក្នុងអំឡុងពេលព្រឹត្តិការណ៍បាល់ទាត់ពិភពលោក FIFA ឆ្នាំ២០២៦។

នៅឯមូលដ្ឋានយោធាមួយកន្លែងក្នុងទីក្រុង Mexico City ទាហានបានបង្ហាញឧបករណ៍រំខានប្រេកង់វិទ្យុ ទាក់ទង រ៉ាដារាវរក និងឧបករណ៍ប្រឆាំងយានដ្រូនដែលកាន់ដោយដៃ។

ប្រទេសម៉ិកស៊ិក នឹងរួមធ្វើជាម្ចាស់ផ្ទះព្រឹត្តិការណ៍បាល់ទាត់ពិភពលោក FIFA ឆ្នាំ២០២៦ ជាមួយសហរដ្ឋអាមេរិក និងកាណាដា។

ការប្រកួតនៅប្រទេសម៉ិកស៊ិក ត្រូវបានគ្រោងនឹងធ្វើឡើងនៅទីក្រុង Mexico City ទីក្រុងGuadalajara និងទីក្រុងMonterrey ដោយការប្រកួតនឹងដំណើរការចាប់ពីថ្ងៃទី១១ ខែមិថុនា ដល់ថ្ងៃទី១៩ ខែកក្កដា ឆ្នាំ២០២៦។