ប្រធានាធិបតីវ៉េណេស៊ុយអេឡា លោក Delcy Rodriguez បាននិយាយ បន្ទាប់ពីកិច្ចប្រជុំជាមួយរដ្ឋមន្ត្រីថាមពលអាមេរិក លោក Chris Wright ថា កិច្ចសហប្រតិបត្តិការថាមពលរយៈពេលវែងរវាងប្រទេសនេះ និងសហរដ្ឋអាមេរិក គួរតែមានប្រយោជន៍សម្រាប់ប្រទេសទាំងពីរ។  

លោកស្រីបានប្រាប់ទូរទស្សន៍ Venezolana de Television ថា៖«ភាពជាដៃគូរយៈពេលវែង និងផលិតភាពលើរបៀបវារៈថាមពល គួរតែជាម៉ាស៊ីនជំរុញដ៏មានប្រសិទ្ធភាពនៃទំនាក់ទំនងទ្វេភាគី ជាមួយសហរដ្ឋអាមេរិក ដែលមានប្រយោជន៍ និងបំពេញបន្ថែមគ្នាទៅវិញទៅមកសម្រាប់ប្រទេសទាំងពីរ សម្រាប់សហរដ្ឋអាមេរិក និងប្រជាជនវេណេស៊ុយអេឡា» ដោយបន្ថែមថា កិច្ចសហប្រតិបត្តិការថាមពល គួរតែអភិវឌ្ឍដោយគ្មានឧបសគ្គ។

លោកស្រីបាននិយាយថា លោកស្រីជឿជាក់ថា បញ្ហារវាងវ៉េណេស៊ុយអេឡា និងសហរដ្ឋអាមេរិក អាចត្រូវបានដោះស្រាយតាមរយៈការទូត។ លោកស្រីបានសង្កត់ធ្ងន់ថា ការសន្ទនានយោបាយ និងថាមពល គួរតែជាបណ្តាញសមស្របសម្រាប់ការអភិវឌ្ឍទំនាក់ទំនងរវាងប្រទេសទាំងពីរ។

យោងតាមលោកស្រី Rodriguez កិច្ចពិភាក្សារបស់លោកស្រីជាមួយលោក Wright ផ្តោតលើគម្រោងនានាក្នុងវិស័យប្រេង និងឧស្ម័ន រ៉ែ និងផលិតអគ្គិសនី៕