រដ្ឋមន្រ្តីការបរទេសរុស្ស៊ីលោក Sergei Lavrov និយាយថា រុស្ស៊ីនឹងចាត់វិធានការយោធា និងបច្ចេកទេស បើសិនជាកោះ Greenland ត្រូវបានគេធ្វើយោធានិយមបន្ថែមទៀត ។

លោក Lavrov បានធ្វើសេចក្តីអត្ថាធិប្បាយបែបនេះនៅក្នុងសភាជាន់ទាបរុស្ស៊ី ជាទីដែលលោកនិយាយពីស្ថានភាពអន្តរជាតិ នៅមុខក្រុមតំណាងរាស្រ្តរុស្ស៊ី ។

កាលពីខែមករាកន្លងទៅ ប្រធានាធិបតីរុស្ស៊ីលោក Vladimir Putinនិយាយថា ស្ថានភាពនៅជុំវិញដែនដី Greenland មិនពាក់ព័ន្ធនឹងរុស្ស៊ីនោះទេ ។

លោក Lavrov បន្តថា ដូចដែលលោកប្រធានាធិបតី Putinកត់សំគាល់ឃើញអញ្ចឹងថា ពួកយើងនៅតែយល់ឃើញថា បញ្ហានេះមិនពាក់ព័ន្ធពួកយើងដោយផ្ទាល់នោះទេ ។ សហរដ្ឋអាមេរិក ដឺណឺម៉ាក និងកោះ Greenland ត្រូវការដោះស្រាយរឿងនេះដោយខ្លួនឯង ត្រូវស្តាប់ទស្សនៈរបស់ពលរដ្ឋនៅលើកោះ ៕