រដ្ឋមន្រ្តីប្រេងឥណ្ឌាលោក Hardeep Singh Puri បានទទួលស្គាល់ថា លោកបានទាក់ទង និងជួបជាមួយអតីតហេរញ្ញិក និងជាជនល្មើសផ្លូវភេទត្រូវបានកាត់ទោសលោក Jeffrey Epstein ពេលដែលលោកនៅសហរដ្ឋអាមេរិក ប៉ុន្តែរូបលោកពុំបានជាប់ពាក់ព័ន្ធនឹងបទឧក្រិដ្ឋ ឬទោសកំហុសណាមួយនោះឡើយ ។

លោក Puri ដែលមានអាជីពជាអ្នកការទូតរួចក្លាយជាអ្នកនយោបាយនោះ និយាយថា លោកជាចំណែកមួយក្នុងស្ថាប័នសន្តិភាពអន្តរជាតិ គឺជាវិទ្យាស្ថានស្រាវជ្រាវ New York ដឹកនាំដោយមន្រ្តីការទូត និងជាអតីតរដ្ឋមន្រ្តីនៃគណៈរដ្ឋមន្រ្តីលោក Terje Roed-Larsen រហូតដល់ឆ្នាំ ២០២០ ហើយនិងបានជួបលោក Epstein ៣-៤លើក អំឡុងពេលវេលារបស់លោកនៅទីនោះ ។

សេចក្តីអត្ថាធិប្បាយរបស់លោក Puri បានកើតមានជាការឆ្លើយតបចំពោះសំនួររបស់មេដឹកនាំក្រុមប្រឆាំងឥណ្ឌាលោក Rahul Gandhi នៅក្នុងសភាកាលពីថ្ងៃពុធ ។

លោក Gandhi និយាយថា ឈ្មោះរបស់លោក Puri ត្រូវបានអះអាងនៅក្នុងអ៊ីម៉ែលរបស់លោក Epstein ហើយនិងចោទសួររដ្ឋាភិបាលរបស់លោកនាយករដ្ឋមន្រ្តី Narendra Modi ឲ្យបញ្ជាក់ផ្ទៀងផ្ទាត់អ្វីដែលជាការទាក់ទងរបស់លោកជាមួយលោក Epstein ។

ឯកសារបញ្ចេញដោយក្រសួងយុត្តិធម៌សហរដ្ឋអាមេរិក ឃើញអ៊ីម៉ែលរវាងលោក Puri និងលោក Epstein គឺជាស្ថាបនិកបង្កើតក្រុមហ៊ុន LinkedIn ដែលលោក Puriនិយាយថា លោកចង់អញ្ជើញរូបគាត់មកលេងប្រទេសឥណ្ឌា ដើម្បីឲ្យគាត់អាចស្វែងយល់ពីសក្តានុពលរបស់ប្រទេសមួយនេះ សម្រាប់ធុរកិច្ចអ៊ីនធឺណិត ៕