ខណៈខ្វះប្រេងឥន្ធនៈនៅប្រទេសគុយបាកាន់តែធ្ងន់ធ្ងរឡើង បន្ទាប់ពីការហាមឃាត់ប្រេងរបស់សហរដ្ឋអាមេរិកដែលបានដាក់កាលពីខែមុន ប្រទេសរុស្ស៊ី ម៉ិកស៊ិក និងប្រទេសឈីលី បានចូលរួមចំណែកជាមួយនឹងជំនួយមនុស្សធម៌ ខណៈអំពាវនាវឱ្យមានការសន្ទនាដើម្បីបន្ធូរបន្ថយភាពតានតឹង និងដោះស្រាយទណ្ឌកម្ម។

កាលពីថ្ងៃទី២៩ ខែមករា ប្រធានាធិបតីសហរដ្ឋអាមេរិក លោក Donald Trump បានចុះហត្ថលេខាលើក្រឹត្យដែលគំរាមកំហែងដំឡើងពន្ធលើប្រទេសដែលលក់ឬផ្តល់ប្រេងដល់ប្រទេសនៅតំបន់សមុទ្រការ៉ាអ៊ីបមួយនេះ។ ការហាមឃាត់នេះ បានធ្វើឱ្យខ្វះថាមពលរបស់ប្រទេសកាន់តែធ្ងន់ធ្ងរឡើង ដោយធ្វើឲ្យប៉ះពាល់ដល់សេវាសង្គមសំខាន់ៗ រួមទាំងការថែទាំសុខភាព និងការដឹកជញ្ជូន។

«វាពិតជាធ្ងន់ធ្ងរខ្លាំង។ វាមិនពិបាកសម្រាប់ប្រជាជនគុយបារយៈពេលជាច្រើនឆ្នាំមកហើយ។ ជាការពិត ក្រុមហ៊ុនអាកាសចរណ៍មួយចំនួនមិនចូលមកនោះទេ ដោយសារតែពួកគេមិនអាចទទួលបានប្រេងឥន្ធនៈដើម្បីចេញដំណើរទៅវិញ ហើយជើងហោះហើរដឹកទំនិញក៏មិនចូលមកដែរ។ 

បើគ្មានប្រេងឥន្ធនៈទេ នោះក៏គ្មានអគ្គិសនីប្រើប្រាស់ដែរដោយមានការដាច់ចរន្តអគ្គិសនីឥតឈប់ឈរ ហើយមន្ទីរពេទ្យកំពុងជួបបញ្ហា ហើយរដ្ឋាភិបាលត្រូវបែងចែកប្រេងឥន្ធនៈ។