កាលពីថ្ងៃព្រហស្បតិ៍មិញ គូស្វាមីភរិយាថ្មីប៉េរូជាង ១០០គូ បានរៀបការនៅក្នុងទីក្រុង Lima ដែលជាមង្គលការសមូហភាពលើកដំបូងប្រចាំឆ្នាំនៅរដ្ឋធានីរបស់ប្រទេសប៉េរូមួយនេះ មុនថ្ងៃនៃសេចក្តីស្រលាញ់ ។

ពិធីអាពាហ៍ពិពាហ៍នេះ បានរៀបចំឡើងនៅតំបន់ Magic Circuit of Water ដែលជាគោលដៅទេសចរណ៍ដ៏ទាក់ទាញមួយ ជាទីដែលគូស្វាមីភរិយាថ្មី ទទួលបានការរូបថត នំអាពាហ៍ពិពាយ៍ ហើយកូនក្រម៉ុត្រូវបានគេតុបតែងខ្លួនឲ្យ ។ 

ទីក្រុង Lima តែងតែរៀបមង្គលការសហគមន៍ ដើម្បីឲ្យអាពាហ៍ពិពាហ៍ស៊ីវិលកាន់តែងាយស្រួលសម្រាប់គូស្វាមីភរិយាក្នុងស្រុក ផ្តល់នូវការការពារស្របច្បាប់ និងពន្លឿនឯកសារអាពាហ៍ពិពាហ៍ ។

លោក Jose Mamani Flores គឺជាកូនកំលោះមួយរូបនិយាយថា ខែកុម្ភៈ គឺជាខែដ៏សំខាន់សម្រាប់ពួកយើង ពីព្រោះថា ដូចអ្នកឃើញស្រាប់ហើយថា ពួកយើងប្រារព្ធថ្ងៃនៃសេចក្តីស្រលាញ់ជាមួយមង្គលការរបស់ពួកយើង ។ 

លោកបន្តថា តាមបំណងរបស់ព្រះ ពួកយើងសម្រេចចិត្តជ្រើសរើសខែកុម្ភៈ ជាខែរៀបអាពាហ៍ពិពាហ៍របស់ពួកយើង ៕