ការិយាល័យរដ្ឋអាជ្ញាក្រុងប៉ារីសនិយាយនៅថ្ងៃសុក្រនេះថា នគរបាលបារាំង បានចាប់ខ្លួនមនុស្ស ៩នាក់ នៅក្នុងការស៊ើបអង្កេតករណីក្លែងបន្លំសំបុត្រចូលទស្សនាសារមន្ទីរ Louvre ដែលធ្វើឲ្យសារមន្ទីរមានភ្ញៀវច្រើនបំផុតរបស់ពិភពលោកមួយនេះ ខាតបង់ប្រាក់ចំណូលប្រហែល ១១,៨៦លានដុល្លារ ។ 

ពួកគេនិយាយនៅក្នុងសេចក្តីថ្លែងការណ៍ថា អ្នកដែលត្រូវឃុំទាំងនោះ រួមមានមន្រ្តី ២នាក់ នៅសាសារមន្ទីរ Louvre និងមគ្គុទេសក៍ជាច្រើននាក់ និងមនុស្សម្នាក់ ដែលត្រូវបានគេរៀបរាប់ថាជាអ្នករៀបចំ បណ្តាញ ។

នគរបាលរឹបអូសបានផងដែរសាច់ប្រាក់សុទ្ធជិត ១លានអឺរ៉ូ និងប្រាក់ ៥០ម៉ឺនអឺរ៉ូនៅក្នុងគណនីធនាគារ ។

ការបំបែកសំណុំរឿងក្នុងគម្រោងក្លែងបន្លំទ្រង់ទ្រាយធំនេះដែរ បន្ថែមពីលើជម្លោះដំណើរថយក្រោយនៅសារមន្ទីរ ហើយនិងកូដកម្ម ដែលបានធ្វើឲ្យការគ្រប់គ្រងរបស់ពួកគេ ស្ថិតក្រោមការពិនិត្យពិច្ច័យយ៉ាងខ្លាំង ។

ការស៊ើបអង្កេត បានចាប់ផ្តើម ស្របពេលសារមន្ទីរ Louvre សម្គាល់ឃើញកាលពីខែធ្នូ ឆ្នាំ ២០២៤ នូវវត្តមានរបស់មគ្គុទេសក៍ចិន ២រូបដែលសង្ស័យទទួលភ្ញៀវទេសចរចិន ចូលទៅក្នុងសារមន្ទីរ ជាមួយសំបុត្រប្រើរួចសម្រាប់មនុស្សផ្សេង ។

ក្រោយត្រួតពិនិត្យរយៈពេលជាង ១ឆ្នាំ នគរបាលបានកំណត់បណ្តាញក្លែងបន្លំដែលអាចនាំឲ្យមានក្រុមភ្ញៀវទេសចរចូលទស្សនាសារមន្ទីរ ២០ក្រុមក្នុង ១ថ្ងៃ រយៈពេល ១ទសវត្សរ៍ ខណៈដែលក្រុមមន្រ្តីសារមន្ទីរទទួលសំណូក បិទភ្នែកម្ខាង ៕