យោធាសហរដ្ឋអាមេរិក បានវាយប្រហារលើទូកមួយគ្រឿងនៅសមុទ្រការ៉ាអ៊ីប ដោយបានសម្លាប់មនុស្ស ៣នាក់ ខណៈខ្លួនបន្តការវាយប្រហារតាមអាកាសដ៏បង្ហូរឈាមដែលបានសម្លាប់មនុស្សយ៉ាងហោចណាស់១៣០នាក់ចាប់តាំងពីខែកញ្ញា ឆ្នាំ២០២៥។

ទីបញ្ជាការភាគខាងត្បូងសហរដ្ឋអាមេរិក (SOUTHCOM) ដែលពិនិត្យប្រតិបត្តិការយោធានៅអាមេរិកឡាទីន និងសមុទ្រការ៉ាអ៊ីប បាននិយាយថា កងកម្លាំងអាមេរិក «បានធ្វើការវាយប្រហារដ៏មហន្តរាយ» កាលពីថ្ងៃសុក្រ ដោយបានសម្លាប់មនុស្ស៣នាក់។

យោធាអាមេរិក បាននិយាយជាថ្មីម្តងទៀតនូវការអះអាងរបស់ខ្លួន ដោយមិនបានផ្តល់ភស្តុតាងណាមួយថា ខ្លួនកំពុងកំណត់គោលដៅលើអ្នកដែលសង្ស័យថាបានជួញដូរគ្រឿងញៀន។ អ្នកជំនាញច្បាប់អន្តរជាតិ និងសិទ្ធិមនុស្ស បាននិយាយថា ការវាយប្រហារបែបនេះគឺស្មើនឹងការប្រហារជីវិតមនុស្សក្រៅប្រព័ន្ធតុលាការ ទោះបីជាគោលដៅទាំងនោះត្រូវបានចោទប្រកាន់ថាបានពាក់ព័ន្ធនឹងការជួញដូរគ្រឿងញៀនក៏ដោយ។

យោងតាមអ្នកតាមដាន និងកំណត់ត្រាដែលរក្សាទុកដោយអង្គការប្រព័ន្ធផ្សព្វផ្សាយបានឲ្យដឹងថា សហរដ្ឋអាមេរិកពេលនេះបានធ្វើការវាយប្រហារប្រហែល៣៧លើកប្រឆាំងនឹងទូកចំនួន៣៩គ្រឿងនៅភាគខាងកើតមហាសមុទ្រប៉ាស៊ីហ្វិក និងសមុទ្រការ៉ាអ៊ីប ដោយសម្លាប់មនុស្សយ៉ាងហោចណាស់១៣០នាក់ រួមទាំងការវាយប្រហារដែលបានសម្លាប់មនុស្សពីរនាក់កាលពីដើមសប្តាហ៍នេះ។