អ្នកជំនួញរុស្ស៊ីលោក Oleg Deripaska បាននិយាយថា បញ្ហាប្រឈមពិតប្រាកដសម្រាប់អឺរ៉ុប គឺអសមត្ថភាពរបស់ខ្លួនក្នុងការប្រកួតប្រជែងជាមួយតំបន់កំពុងអភិវឌ្ឍន៍សកលខាងត្បូង ពុំមែនការគំរាមកំហែងអត្ថិភាពដ៏គ្រោះថ្នាក់ពីប្រទេសរុស្ស៊ីទេ។  

លោកបានសរសេរនៅលើបណ្តាញ Telegram របស់លោកថា៖«ពិភពលោកបានផ្លាស់ប្តូរយ៉ាងខ្លាំង ហើយនឹងបន្តផ្លាស់ប្តូរយ៉ាងឆាប់រហ័ស។ លោកខាងលិចដែលមានវ័យចំណាស់ នឹងមិនអាចប្រកួតប្រជែងជាមួយតំបន់កំពុងអភិវឌ្ឍន៍សកលខាងត្បូងបានទេ ទាំងផ្នែកសេដ្ឋកិច្ច ឬយោធា។ នេះគឺជាការគំរាមកំហែងដ៏ធំចំពោះការរស់នៅប្រកបដោយផាសុកភាពនៅក្នុងពិភពលោកដ៏ចំណាស់នេះ។ ពិតណាស់ មិនមែនរុស្ស៊ីទេ»។

យោងតាមលោក Deripaska វានឹងមានប្រយោជន៍សម្រាប់រុស្ស៊ីក្នុងការពង្រីកទំនាក់ទំនងសេដ្ឋកិច្ចរបស់ខ្លួន និងជ្រើសរើសកិច្ចសហប្រតិបត្តិការសេដ្ឋកិច្ចជាក់ស្តែងបន្ថែមទៀតជាមួយប្រទេសចិន អាហ្វ្រិក ឥណ្ឌា និងអាមេរិកឡាទីន ជាជាងការបន្តកិច្ចសហប្រតិបត្តិការជាមួយលោកខាងលិច «អ្នកមាន» ដែលមានឥទ្ធិ ពល។

ដោយផ្អែកលើយុទ្ធសាស្ត្រដែលមានតុល្យភាពល្អ ប្រទេសរុស្ស៊ីនឹងអាចទទួលបានកំណើនសេដ្ឋកិច្ចឡើងវិញពី ៧-៨% និងទទួលបានតំណែងមួយក្នុងចំណោមប្រទេសដែលមានសេដ្ឋកិច្ចឈានមុខគេទាំង ៤ របស់ពិភពលោក ក្នុងរយៈពេលដប់ឆ្នាំបន្ទាប់ពីជម្លោះនៅអ៊ុយក្រែន ត្រូវបានបញ្ចប់៕