ក្រុមប្រឹក្សាតុលាការកំពូលរបស់ប្រទេសអ៊ីរ៉ាក់ បានប្រកាសកាលពីថ្ងៃចន្ទថា ការសួរចម្លើយដំបូង ត្រូវបានបញ្ចប់សម្រាប់អ្នកទោសរដ្ឋអ៊ីស្លាមជាង ៥០០នាក់ ដែលទើបត្រូវបានបញ្ជូនមកពីពន្ធនាគារស៊ីរីថ្មីៗនេះ។

នៅក្នុងសេចក្តីថ្លែងការណ៍មួយ ក្រុមប្រឹក្សានេះ បាននិយាយថា អនីតិជនចំនួន ១៥៧ នាក់ ដែលមានអាយុក្រោម ១៨ ឆ្នាំ ត្រូវបានបំបែកចេញពីក្រុមនេះ ហើយបញ្ជូនទៅតុលាការស៊ើបអង្កេតអនីតិជន    Kark។ ពួកគេនឹងត្រូវដាក់នៅក្នុងមជ្ឈមណ្ឌលស្តារនីតិសម្បទា ដើម្បីធានាការព្យាបាលស្របតាមស្តង់ដាច្បាប់ និងមនុស្សធម៌។

ការសម្រេចនេះ គឺជាផ្នែកមួយនៃកិច្ចខិតខំប្រឹងប្រែងបញ្ជូនដ៏ទូលំទូលាយដែលពាក់ព័ន្ធនឹងជនបរទេសរាប់ពាន់នាក់ដែលសង្ស័យថា មានទំនាក់ទំនងជាមួយក្រុម IS។ កាលពីថ្ងៃសុក្រ មជ្ឈមណ្ឌលជាតិសម្រាប់កិច្ចសហប្រតិបត្តិការតុលាការអន្តរជាតិរបស់ប្រទេសអ៊ីរ៉ាក់ បានរាយការណ៍ថា អ្នកទោស IS ចំនួន ៥.៧០៤ នាក់ ដែលមាន ៦១ សញ្ជាតិ ត្រូវបានបញ្ជូនពីពន្ធនាគារស៊ីរីទៅកាន់ប្រទេសអ៊ីរ៉ាក់។

ប្រតិបត្តិការនេះ ត្រូវបានអនុវត្តដោយមានការគាំទ្រពីអន្តរជាតិ។ ទីបញ្ជាការកណ្តាលសហរដ្ឋអាមេរិក បានបញ្ជាក់កាលពីថ្ងៃព្រហស្បតិ៍ថា ខ្លួនបានបញ្ចប់បេសកកម្មរយៈពេល ២៣ថ្ងៃ ដើម្បីជួយធានាសុវត្ថិភាពរបស់អ្នកទោសនៅក្នុងមណ្ឌលឃុំឃាំងអ៊ីរ៉ាក់៕