រដ្ឋាភិបាលលីបង់និយាយថា យោធារបស់ខ្លួនត្រូវការពេលយ៉ាងហោច ៤ខែ ក្នុងការបញ្ចប់ដំណាក់កាលទី ២នៃផែនការរំសាយអាវុធរបស់ក្រុមហេសបូឡា នៅតំបន់ភាគខាងត្បូងប្រទេសមួយនេះ ។

សេចក្តីប្រកាសកាលពីថ្ងៃចន្ទរបស់រដ្ឋមន្រ្តីក្រសួងព័ត៌មានលីបង់លោក Paul Morcos បានកើតមានឡើង ស្របពេលសម្ពាធកើនឡើងពីសហរដ្ឋអាមេរិក និងអ៊ីស្រាអែលឲ្យក្រុមហេសបូឡារំសាយអាវុធ រួមទាំងការវាយប្រហារស្ទើតែរាល់ថ្ងៃរបស់អ៊ីស្រាអែលលើលីបង់ ។

ការទម្លាក់គ្រាប់បែក នៅតែបន្តកើតមាន បើទោះបីជាអ៊ីស្រាអែលយល់ព្រមបទឈប់បាញ់គាំទ្រដោយសហរដ្ឋអាមេរិកកាលពីឆ្នាំ ២០២៤ ដើម្បីបញ្ចប់អរិភាពឆ្លងកាត់ព្រំដែនរយៈពេលជាង ១ឆ្នាំ ជាមួយក្រុមហេសបូឡា ។

ជម្លោះមួយនេះ បានធ្វើឲ្យក្រុមប្រដាប់អាវុធលីបង់ទន់ខ្សោយយ៉ាងខ្លាំង ក្នុងនោះភាគច្រើននៃមេដឹកនាំរបស់ពួកគេ ត្រូវបានសម្លាប់ ។

នៅក្រោមកិច្ចព្រមព្រៀងបទឈប់បាញ់ រដ្ឋាភិបាលលីបង់ បានប្តេជ្ញាចិត្តរំសាយអាវុធក្រុមហេសបូឡា ហើយយោធារបស់ពួកគេទទួលភារកិច្ច ដើម្បីសម្រេចផែនការមួយនេះ ។

យោធានិយាយកាលពីខែមុនថា ពួកគេបានបញ្ចប់ដំណាក់កាលទី ១ នៃផែនការ ៥ដំណាក់កាលនៃបទឈប់បាញ់ ដើម្បីបញ្ចប់ជម្លោះរវាងអ៊ីស្រាអែល និងក្រុមហេសបូឡា ៕