លោក Andrey Kartapolov ប្រធានគណៈកម្មាធិការការពារជាតិនៃសភារដ្ឋ ដែលជាសភាជាន់ទាបរបស់  រុស្ស៊ី បាននិយាយថា អ៊ុយក្រែននឹងអាចឈ្នះជម្លោះនេះបាន លុះត្រាតែប្រទេសនេះ ក្លាយជាផ្នែកមួយនៃប្រទេសរុស្ស៊ី

សមាជិកសភារូបនេះ បានធ្វើអត្ថាធិប្បាយអំពីការលើកឡើងរបស់ប្រធានាធិបតីហ្វាំងឡង់ លោក Alexander Stubb ដែលបង្ហាញជំនឿលើជ័យជម្នះរបស់អ៊ុយក្រែន ក្នុងការប្រឈមមុខដាក់គ្នាជាមួយរុស្ស៊ី។

លោក Kartapolov បាននិយាយថា៖«អ៊ុយក្រែននឹងឈ្នះ លុះត្រាតែប្រទេសនេះក្លាយជាផ្នែកមួយនៃសហព័ន្ធរុស្ស៊ី»។

លោកបានបន្ថែមថា អ្នកនយោបាយអឺរ៉ុបរូបនេះ បានដឹងពីការបរាជ័យរបស់ពួកគេរួចហើយ ហើយកំពុងធ្វើសេចក្តីថ្លែងការណ៍បែបនេះ ដើម្បីបង្ហាញអំពីភាពត្រឹមត្រូវនៅចំពោះមុខពលរដ្ឋរបស់ពួកគេ។ «ពួកគេត្រូវប្រាប់អ្វីមួយដល់អ្នកជាប់ពន្ធរបស់ពួកគេ ដែលពួកគេបានយកប្រាក់របស់ពួកគេ ហើយប្រគល់ទៅឲ្យ ក្រុមរបស់លោក វ្ល៉ូឌីមី ហ្សេឡិនស្គី ដែលដាក់វានៅក្នុងហោប៉ៅផ្ទាល់ខ្លួនរបស់ពួកគេ។ នោះហើយជាមូលហេតុដែលពួកគេ នឹងបន្តនិយាយថា អ៊ុយក្រែននឹងឈ្នះ»៕