បុគ្គលិកអាកាសយានដ្ឋានប្រទេសកេនយ៉ា បានបញ្ឈប់ការធ្វើកូដកម្មកាលពីថ្ងៃអង្គារ ទី១៧ ខែកុម្ភៈ បន្ទាប់ពីមានការរំខានរយៈពេលពីរថ្ងៃបណ្តាលឱ្យមានការពន្យារពេលជើងហោះហើរជាច្រើនវ៉ុល និងការលុបចោលនៅមជ្ឈមណ្ឌលដឹកជញ្ជូនផ្លូវអាកាសដ៏មមាញឹកបំផុតមួយរបស់ទ្វីបអាហ្វ្រិក។

អ្នកដំណើរដែលជាប់គាំងនៅអាកាសយានដ្ឋានអន្តរជាតិ Jomo Kenyatta ក្នុងទីក្រុងណៃរ៉ូប៊ី បានរង់ចាំជាច្រើនម៉ោង ដោយមិនប្រាកដថាជើងហោះហើររបស់ពួកគេនឹងចេញដំណើរនៅពេលណានោះទេ។ អ្នកដំណើរមួយចំនួន បានដេកនៅលើកម្រាលអិដ្ឋនៅអាកាសយានដ្ឋានពេញមួយយប់។

ក្រសួងដឹកជញ្ជូន បានសម្របសម្រួលកិច្ចព្រមព្រៀងសម្រាប់សហជីពបុគ្គលិកអាកាសចរណ៍ប្រទេសកេនយ៉ា ដោយនិយាយថាប្រតិបត្តិការនៅអាកាសយានដ្ឋានសំខាន់នៅទីក្រុងណៃរ៉ូប៊ី និងកន្លែងផ្សេងទៀតពេលនេះនឹងវិលត្រឡប់ទៅរកដំណើរការធម្មតាវិញ។ វាមិនច្បាស់នោះទេថា វានឹងចំណាយពេលប៉ុន្មានសម្រាប់ប្រតិបត្តិការធម្មតាដើម្បីបន្តឡើងវិញ។

សហជីពបានចាប់ផ្តើមធ្វើកូដកម្ម ទោះបីជាមានសេចក្តីបង្គាប់របស់តុលាការដែលនិយាយថាកូដកម្មមិនគួរបន្តក៏ដោយ ដោយលើកឡើងពីការត្អូញត្អែររួមទាំងការបរាជ័យរបស់ខ្លួនក្នុងការបញ្ចប់កិច្ចព្រមព្រៀងចរចារួមជាមួយអាជ្ញាធរអាកាសចរណ៍។