ភាគហ៊ុនអាស៊ីបានកើនឡើងខ្ពស់នៅថ្ងៃពុធ១៨កុម្ភៈសប្ដាហ៍នេះ ទោះមានការព្រួយបារម្ភអំពីបញ្ញាសិប្បនិម្មិត AI ឡើងវិញទាក់ទាញទីផ្សារអន្តរជាតិក៏ដោយ ក្រោយអ៊ីរ៉ង់បានផ្សព្វផ្សាយពីវឌ្ឍនភាពក្នុងការចរចានុយក្លេអ៊ែរជាមួយសហរដ្ឋអាមេរិក។

ប្រាក់ដុល្លារនូវែលសេឡង់បានធ្លាក់ចុះបន្ទាប់ពីធនាគារកណ្តាលបាននិយាយថាគោលនយោបាយរូបិយវត្ថុត្រូវរក្សាការសម្របសម្រួលសម្រាប់ពេលខ្លះដើម្បីគាំទ្រដល់ការងើបឡើងវិញនៃសេដ្ឋកិច្ច។

សន្ទស្សន៍ភាគហ៊ុន Nikkei 225 របស់ប្រទេសជប៉ុនបានកើនឡើង ០,៩៣% ដល់៥៧.០៩០,១៤ ដែលត្រៀមខ្លួនរួចជាស្រេចដើម្បីបញ្ឈប់ការធ្លាក់ចុះរយៈពេលបីថ្ងៃ ខណៈភាគហ៊ុន S&P/ASX200 របស់អូស្ត្រាលីបានកើនឡើង ០,៥%។

ចិនដីគោក ហុងកុង សិង្ហបុរី កោះតៃវ៉ាន់ និងកូរ៉េខាងត្បូង ស្ថិតក្នុងចំណោមទីផ្សារដែលបិទសម្រាប់ថ្ងៃឈប់សម្រាកបុណ្យចូលឆ្នាំចិន។

ការចាប់ផ្តើមវិជ្ជមាននៅអាស៊ីបានកើតឡើងបន្ទាប់ពីវគ្គជួញដូរដ៏គួរឱ្យខកចិត្តកាលពីថ្ងៃអង្គារសម្រាប់ផ្សារភាគហ៊ុន Wall Street ខណៈក្រុមវិនិយោគិនបានតស៊ូជាមួយនឹងទស្សនវិស័យសម្រាប់ការរីកចម្រើននៃវិស័យ AI។

ក្តីបារម្ភថាក្រុមហ៊ុននានាកំពុងវិនិយោគលើសកម្រិត រួមជាមួយនឹងការថប់បារម្ភអំពីវិសាលភាពដែលបច្ចេកវិទ្យាថ្មីអាចរំខានដល់ទីផ្សារការងារ បានជំរុញឱ្យក្រុមវិនិយោគិនមានការធុញថប់ក្នុងចិត្តក្នុងរយៈពេលប៉ុន្មានសប្តាហ៍ថ្មីៗនេះ។

នៅអាមេរិកក្នុងរយៈពេលមួយយប់ សន្ទស្សន៍ភាគហ៊ុនឧស្សាហកម្ម Dow Jones បានកើនឡើង០,០៧ % ដល់៤៩.៥៣៣,១៩    សន្ទស្សន៍ S&P 500 បានកើនឡើង ០,១០% ដល់តម្លៃ ៦.៨៤៣,២២ និងសន្ទស្សន៍ Nasdaq Composite បានកើនឡើង ០,១៤% ដល់តម្លៃ២២.៥៧៨,៣៨៕