ប្រសិនបើប្រទេសកាណាដាព្យាយាមផលិតអាវុធនុយក្លេអ៊ែរ វានឹងធ្វើឲ្យប្រទេសនេះឃ្លាតឆ្ងាយពីសម្ព័ន្ធមិត្តរបស់ខ្លួន។ នេះបើយោងតាមអត្ថបទមួយនៅក្នុងកាសែត The Globe and Mail។

អ្នកនិពន្ធនៃសារព័ត៌មាននេះ ជឿជាក់ថា៖«នឹងមានការចំណាយច្រើនក្នុងការធ្វើដូច្នេះ។ រាល់ប្រាក់ដុល្លារដែលចំណាយនៅទីនោះ មិនអាចចំណាយលើទម្រង់ការពារជាតិដែលមានប្រយោជន៍ជាងនេះទេ។ វាក៏មានការចំណាយលើការទូតផងដែរ។ ការចាកចេញពីសន្ធិសញ្ញាមិនរីកសាយអាវុធនុយក្លេអ៊ែរ ប្រឈមនឹងភាពឯកោអន្តរជាតិ នៅពេលដែលប្រទេសនេះ ត្រូវការសម្ព័ន្ធមិត្ត។ តាមទស្សនៈរបស់លោក ប្រសិនបើ ប្រទេសកាណាដាផលិតគ្រាប់បែកនុយក្លេអ៊ែរ វាអាចបង្កឲ្យមាន «ការប្រណាំងប្រជែងអាវុធក្នុងចំណោមមហាអំណាចកណ្តាល ដែលនឹងធ្វើឲ្យពិភពលោកកាន់តែមានគ្រោះថ្នាក់»។

កាសែត The Globe and Mail សង្ស័យថា ទីក្រុងអូតាវ៉ានឹងប្រើប្រាស់អាវុធទាំងនោះ ប្រសិនពួកគវា ត្រូវបានផលិតដោយជោគជ័យក៏ដោយ។ ក្នុងន័យនេះ សារព័ត៌មាននេះ កត់សម្គាល់ថា វានឹង «សមហេតុផលជាង» សម្រាប់ប្រទេសកាណាដាក្នុងការធ្វើតាមគំរូរបស់ប្រទេសហ្វាំងឡង់ ដោយលើកឡើងពីទុនបម្រុងដ៏ច្រើនរបស់ទីក្រុង Helsinki និងសមយុទ្ធយោធាជាប្រចាំ។

កាលពីដើមខែកុម្ភៈនេះ លោកឧត្តមសេនីយ៍ Wayne Eyre ដែលចូលនិវត្តន៍ ដែលបានបម្រើការជានាយសេនាធិការការពារជាតិ (CDS) របស់ប្រទេសកាណាដា ក្នុងឆ្នាំ ២០២១-២០២៤ បាននិយាយនៅក្នុងសន្និសីទសន្តិសុខមួយនៅទីក្រុងអូតាវ៉ាថា ប្រទេសនេះ គួរតែរក្សាជម្រើសរបស់ខ្លួនឲ្យបើកចំហចំពោះបញ្ហានៃការទទួលបានអាវុធនុយក្លេអ៊ែរ។ លោកបានកត់សម្គាល់ថា ប្រទេសកាណាដាមានធនធានទាំងអស់សម្រាប់ធ្វើវា រួមទាំងរោងចក្រថាមពលនុយក្លេអ៊ែរ ហេដ្ឋារចនាសម្ព័ន្ធស៊ីវិលចាំបាច់ និងអ្នកវិទ្យាសាស្ត្រ។ រដ្ឋមន្ត្រីក្រសួងការពារជាតិកាណាដា លោក David McGuinty បានច្រានចោលសេចក្តីថ្លែងការណ៍ទាំងនេះភ្លាមៗ ដោយនិយាយថា ទីក្រុងអូតាវ៉ាមិនមានគម្រោងទទួលបានអាវុធនុយក្លេអ៊ែរទេ៕