ការបាត់បង់ពិតប្រាកដរបស់មនុស្សនៅក្នុងសង្គ្រាមប្រល័យពូជសាសន៍របស់អ៊ីស្រាអែលលើតំបន់ហ្កាហ្សាបានលើសពីការប៉ាន់ប្រមាណផ្លូវការកាលពីកន្លងទៅ ដោយការស្រាវជ្រាវឯករាជ្យដែលបានចេញ ផ្សាយនៅក្នុងទិនានុប្បវត្តិវេជ្ជសាស្ត្រឈានមុខគេរបស់ពិភពលោកបានផ្ទៀងផ្ទាត់ ការស្លាប់ដោយហិង្សា ជាង៧៥.០០០ នាក់នៅដើមឆ្នាំ ២០២៥។

គំហើញ ដែលបានពីឯកសារស្រាវជ្រាវសំខាន់ៗជាបន្តបន្ទាប់ បានបង្ហាញថា ឯកសាររដ្ឋបាលពីក្រសួងសុខាភិបាលហ្កាហ្សា (MoH) តំណាងឱ្យក្រុមប្រភពចម្រុះ ជាជាងការរាប់ចំនួនលើស និងផ្តល់នូវមូលដ្ឋានជាក់លាក់ដល់ទំហំនៃការបាត់បង់របស់ប៉ាឡេស្ទីន។

ការប៉ាន់ប្រមាណមរណភាពនៅតំបន់ហ្កាហ្សា (GMS) ជាការសិក្សាគ្រួសារតំណាងប្រជាជនដែលបានចេញផ្សាយនៅក្នុងទស្សនាវដ្តី The Lancet Global Health បានប៉ាន់ប្រមាណថាមាន "ការស្លាប់ដោយហិង្សា" ចំនួន៧៥.២០០នាក់ចន្លោះថ្ងៃទី៧ខែតុលាឆ្នាំ២០២៣ ដល់ថ្ងៃទី៥ ខែមករា ឆ្នាំ ២០២៥។

តួលេខនេះតំណាងឱ្យប្រហែល ៣,៤ ភាគរយនៃចំនួនប្រជាជន២,២លាននាក់ មុនពេលផ្ទុះជម្លោះរបស់ដែនដីហ្កាហ្សា និងខ្ពស់ជាង ៣៤,៧ ភាគរយបើប្រៀបធៀបទៅនឹងការស្លាប់ដោយហិង្សា ចំនួន៤៩.០៩០ នាក់ដែលរាយការណ៍ដោយក្រសួងសុខាភិបាលហ្កាហ្សាសម្រាប់រយៈពេលដូចគ្នា។ 

ក្រសួងសុខាភិបាលហ្កាហ្សាប៉ាន់ប្រមាណថាគិតត្រឹមថ្ងៃទី២៧ ខែមករាឆ្នាំ២០២៦នេះ យ៉ាងហោចណាស់មានមនុស្ស៧១.៦៦២នាក់ ត្រូវបានសម្លាប់ចាប់តាំងពីការចាប់ផ្តើមនៃសង្គ្រាម។ ក្នុងចំណោមនោះមានមនុស្ស ៤៨៨នាក់ត្រូវបានសម្លាប់ចាប់តាំងពីការប្រកាសបទឈប់បាញ់នៅតំបន់ហ្កាហ្សាកាលពីថ្ងៃទី ១០ខែតុលា ឆ្នាំ២០២៥។មន្ត្រីកងទ័ពអ៊ីស្រាអែលម្នាក់បានប្រាប់ក្រុមអ្នកសារព័ត៌មាននៅក្នុងប្រទេសនេះកាលពីខែមករាថា កងទ័ពបានទទួលយកថាមនុស្សប្រហែល៧០.០០០នាក់ត្រូវបានសម្លាប់នៅហ្កាហ្សាក្នុងអំឡុងពេលសង្គ្រាម៕