សារពត័ត៌មាន CBS News បានរាយការណ៍ ដោយដកស្រង់ប្រភពថា រដ្ឋបាលសហរដ្ឋអាមេរិក កំពុងពិចារណាអំពីលទ្ធភាពនៃការវាយប្រហារលើអ៊ីរ៉ង់ នៅចុងសប្តាហ៍នេះ ប៉ុន្តែមិនទាន់មានការសម្រេចចិត្តចុងក្រោយណាមួយ ត្រូវបានធ្វើឡើងនៅឡើយទេ។

យោងតាមព័ត៌មានរបស់ពួកគេ មន្ត្រីសន្តិសុខជាតិ បានរាយការណ៍ទៅកាន់ប្រធានាធិបតីអាមេរិក លោក ដូណាល់ ត្រាំ ថា៖«យោធាបានត្រៀមខ្លួនរួចជាស្រេចសម្រាប់ការវាយប្រហារដែលអាចកើតមានលើអ៊ីរ៉ង់ឲ្យ បានឆាប់តាមដែលអាចធ្វើទៅបាន នៅថ្ងៃសៅរ៍ ប៉ុន្តែពេលវេលាសម្រាប់សកម្មភាពណាមួយ ទំនងជានឹងបន្តលើសពីចុងសប្តាហ៍នេះ»។ កាសែត CBS News ចង្អុលបង្ហាញថា៖«លោក ត្រាំ មិនទាន់បានធ្វើការសម្រេចចិត្តចុងក្រោយអំពីថាតើត្រូវវាយប្រហារឬអត់ទេ» ហើយថា សេតវិមាន «កំពុងថ្លឹងថ្លែងពីហានិភ័យនៃការកើនឡើងភាពតានតឹង និងផលវិបាកនយោបាយ និងយោធានៃការអត់ធ្មត់» ពីការវាយប្រហារដែលអាចកើតមាន។

លោក ត្រាំ បាននិយាយនៅថ្ងៃទី ២៦ ខែមករាថា៖«កងនាវាដែលមានកម្លាំងដ៏លើសលប់» កំពុងធ្វើដំណើរឆ្ពោះទៅកាន់អ៊ីរ៉ង់។ លោកបានសម្តែងក្តីសង្ឃឹមថា ទីក្រុងតេអេរ៉ង់នឹងវិលត្រឡប់មកតុចរចាវិញ ហើយសម្រេចបានកិច្ចព្រមព្រៀង «ដោយយុត្តិធម៌ និងស្មើភាពគ្នា» ដែលបញ្ជាក់ពីការបោះបង់ចោល អាវុធនុយក្លេអ៊ែរទាំងស្រុង។ ជាការឆ្លើយតប ទីក្រុងតេអេរ៉ង់បានព្រមានថា ការវាយប្រហារណាមួយលើអ៊ី    រ៉ង់ នឹងបង្កការគំរាមកំហែងដល់ហេដ្ឋារចនាសម្ព័ន្ធយោធាទាំងមូលរបស់សហរដ្ឋអាមេរិក និងសម្ព័ន្ធមិត្តរបស់ខ្លួន នៅមជ្ឈិមបូព៌ា៕