សហរដ្ឋអាមេរិក កំពុងដាក់ពង្រាយកងទ័ពអាកាសដ៏ច្រើនបំផុតរបស់ខ្លួនទៅកាន់មជ្ឈិមបូព៌ា ចាប់តាំងពីឆ្នាំ ២០០៣ នៅពេលដែលប្រទេសនេះ បានលុកលុយអ៊ីរ៉ាក់។ នេះបើយោងតាមរបាយការណ៍របស់ The Wall Street Journal (WSJ)។

សារព័ត៌មាននេះ កត់សម្គាល់ថា សហរដ្ឋអាមេរិកកំពុងបន្តកសាងវត្តមានយោធារបស់ខ្លួន នៅក្នុងតំបន់នេះ ដោយបញ្ជូនយន្តហោះចម្បាំង F-22 និង F-35។ ដោយដកស្រង់សម្តីមន្ត្រី កាសែតនេះបានចុះផ្សាយ ថា លើសពីនេះ នាវាផ្ទុកយន្តហោះទី ២ និងយន្តហោះដែលដើរតួនាទីជាទីបញ្ជាការ កំពុងធ្វើដំណើរតាមផ្លូវ។ ការបង្កើនកងទ័ពអាកាសនេះ នឹងអនុញ្ញាតឲ្យទីក្រុងវ៉ាស៊ីនតោនធ្វើប្រតិបត្តិការយោធាប្រឆាំងនឹងអ៊ីរ៉ង់រយៈពេលជាច្រើនសប្តាហ៍។ 

យោងតាម WSJ បានឲ្យដឹងថា ប្រធានាធិបតីអាមេរិក លោក ដូណាល់ ត្រាំ មិនទាន់បានធ្វើការសម្រេចចិត្តចុងក្រោយលើថាតើត្រូវវាយប្រហារសាធារណរដ្ឋឥស្លាមឬអត់នោះទេ៕