អ្នកនាំពាក្យរដ្ឋាភិបាល បានប្រាប់ឲ្យដឹងនៅថ្ងៃព្រហស្បតិ៍ (ទី១៩ ខែកុម្ភៈ ឆ្នាំ២០២៦) នេះថា ប្រទេសអាល្លឺម៉ង់ បច្ចុប្បន្នមិនមានគម្រោងទិញយន្តហោះចម្បាំង F-35 បន្ថែមទៀតទេ បន្ទាប់ពីប្រភពបាននិយាយថា ទីក្រុងប៊ែរឡាំងកំពុងពិចារណាបញ្ជាទិញយន្តហោះបន្ថែមទៀត ដែលផលិតដោយក្រុមហ៊ុនម៉ៅការអាមេរិក Lockheed Martin។

ទាក់ទងនឹងការលើកឡើងនោះ អ្នកនាំពាក្យបានបញ្ជាក់ថា៖ «មិនមានផែនការបែបនេះឡើយ ហើយក៏មិនមានការសម្រេចពីរឿងនេះនោះដែរ»។

ប្រភពមួយបានបង្ហើបឲ្យដឹងនៅមុននេះថា ទីក្រុងប៊ែរឡាំងកំពុងស្ថិតក្នុងការចរចាដែលអាចនាំទៅដល់ការទិញយន្តហោះបន្ថែមជាង ៣៥គ្រឿង។ តែប្រភពទី២ មិនបានបញ្ជាក់ពីចំនួននោះទេ។ ប្រភពទាំង២ នេះ បានព្រមានថា លទ្ធផលនៅតែមិនប្រាកដប្រជានោះទេ។

គួរបញ្ជាក់ថា នៅឆ្នាំ២០២២ ប្រទេសអាល្លឺម៉ង់បានទិញយន្តហោះចំនួន ៣៥គ្រឿង ដែលគ្រោងនឹងចាប់ផ្តើមដឹកជញ្ជូននៅចុងឆ្នាំនេះ៕