នៅថ្ងៃព្រហស្បតិ៍នេះ ជនប៉ាឡេស្ទីន បានរៀបចំពិធីបុណ្យសពយុវជនម្នាក់ដែលត្រូវបានសម្លាប់ដោយអ្នកតាំងលំនៅនិគមន៍អ៊ីស្រាអែលនៅតំបន់កាន់កាប់វ៉េសប៊ែង ។

យោងតាមការអះអាងរបស់ក្រសួងសុខាភិបាលប៉ាឡេស្ទីនបានឲ្យដឹងថា យុវជន Nasrallah Mohammed Jamal Abu Siam អាយុ ១៩ឆ្នាំ បានស្លាប់ ក្រោយរងរបួស អំឡុងការវាយប្រហាររបស់អ្នកតាំងលំនៅនិគមន៍ម្នាក់នៅថ្ងៃដំបូងនៃពិធីបុណ្យរ៉ាម៉ាឌន ។

សាកសពរបស់យុវជន Abu Siam ត្រូវបានសែងឆ្លងកាត់ភូមិ Mikhmas ដោយក្រុមមនុស្សប្រុស ដែលនាំគ្នាស្រែក និងកាន់ទង់ប៉ាឡេស្ទីន ។

សូមបញ្ជាក់ថា អំពើហិង្សា បានកើនឡើងក្នុងរយៈពេល ១ឆ្នាំកន្លងមកនេះ នៅតំបន់វ៉េសប៊ែង ។ ការវាយប្រហារដោយក្រុមអ្នកតាំងលំនៅនិគមន៍អ៊ីស្រាអែលលើជនប៉ាឡេស្ទីន បានហក់ឡើងខ្ពស់យ៉ាងឆាប់រហ័ស ស្របពេលដែលយោធាអ៊ីស្រាអែល រឹតបន្តឹងលើការបំលាស់ទី និងបើកការវាយឆ្មក់លើទីក្រុងនានាជាច្រើន ។

ជនប៉ាលឡេស្ទីន បានបើកការវាយប្រហារសងសឹកវិញផងដែរលើទាហានអ៊ីស្រាអែល និងជនស៊ីវិល ក្នុងនោះពួកគេមួយចំនួនបានស្លាប់ ៕