ឱនភាពពាណិជ្ជកម្មសហរដ្ឋអាមេរិក បានកើនឡើងយ៉ាងឆាប់រហ័សក្នុងខែធ្នូ ស្របពេលការកញ្ជ្រោលឡើងការនាំចូល ហើយការខ្វះខាតទំនិញក្នុងឆ្នាំ ២០២៥ មានចំនួនខ្ពស់បំផុតជាប់កំណត់ត្រា បើទោះបីជាពន្ធរបស់ប្រធានាធិបតីសហរដ្ឋអាមេរិកលោក Donald Trump លើទំនិញផលិតនៅបរទេសក៏ដោយ ។

ការធ្លាក់ចុះប្រចាំខែលើកទី ២ជាប់ៗគ្នាលើឱនភាពពាណិជ្ជកម្ម ត្រូវបានរាយការណ៍ដោយក្រសួងពាណិជ្ជកម្មសហរដ្ឋអាមេរិកកាលពីថ្ងៃព្រហស្បតិ៍ ដោយលើកឡើងថា ពាណិជ្ជកម្ម បានរួមចំណែកតិចតួច ឬពុំបានរួមចំណែកសោះ ចំពោះផលិតក្នុងស្រុកសរុប(GDP) នៅត្រីមាសទី ៤ ឆ្នាំ ២០២៥ ។

ការនាំចេញបានកើនឡើង ៦ភាគរយ ហើយការនាំចូលកើនឡើងជិត ៥ភាគរយកាលពីឆ្នាំមុន ។

ឱនភាពសេដ្ឋកិច្ចសហរដ្ឋអាមេរិកបានកើនឡើង ២ភាគរយ ដល់កម្រិតជាប់កំណត់ត្រា ១,២៤សែនកោដិដុល្លារកាលពីឆ្នាំមុន ស្របពេលដែលក្រុមហ៊ុនអាមេរិក ជំរុញការនាំចូលបន្ទះឈីបកុំព្យូទ័រ និងទំនិញបច្ចេកវិទ្យាផ្សេងទៀតពីកោះតៃវ៉ាន់ ដើម្បីគាំទ្រការវិនិយោគទ្រង់ទ្រាយធំលើបញ្ញាសិប្បនិម្មិត(AI) ។

ស្របពេលភាពតានតឹងនៅបន្តជាមួយទីក្រុងប៉េកាំង ឱនភាពលើពាណិជ្ជកម្មទំនិញជាមួយចិន បានដាំក្បាលចុះជិត ៣២ភាគរយ ដល់ចំនួន ២០២ពាន់លានដុល្លារ ក្នុងឆ្នាំ ២០២៥ ដែលជាការធ្លាក់ចុះយ៉ាងឆាប់រហ័ស ទាំងការនាំចេញ និងការនាំចូលពីប្រទេសសេដ្ឋកិច្ចធំបំផុតទី ២របស់ពិភពលោកមួយនេះ ។ ប៉ុន្តែពាណិជ្ជកម្មត្រូវបានបង្វែរចេញពីចិន ។ ចំណែកឯ គម្លាតទំនិញជាមួយកោះតៃវ៉ាន់ បានកើនឡើងទ្វេដងដល់ ១៤៧ពាន់លានដុល្លារ និងកើនឡើង ៤៤ភាគរយជាមួយវៀតណាម ដល់ ១៧៨ពាន់លានដុល្លារ ៕