ប្រធានាធិបតីអ៊ីរ៉ង់លោក Masoud Pezeshkian និយាយកាលពីថ្ងៃសៅរ៍ថា ប្រទេសរបស់លោកនឹងមិនឱនក្បាលជាដាច់ខាតចំពោះសម្ពាធរបស់ប្រទេសមហាអំណាចពិភពលោកនោះឡើយ ស្របពេលមានកិច្ចប្រជុំនុយក្លេអ៊ែរជាមួយសហរដ្ឋអាមេរិក ។

អំឡុងពិធីទទួលស្វាគមន៍ក្រុមប៉ារ៉ាឡាំពិកអ៊ីរ៉ង់ លោក Pezeshkian និយាយថា មហាអំណាចពិភពលោកកំពុងតម្រង់ជួរ ដើម្បីបង្ខំឲ្យពួកយើងឱនក្បាលរបស់ពួកយើង ប៉ុន្តែពួកយើងមិនឱនក្បាលរបស់ពួកយើងនោះទេ បើទោះបីជាមានបញ្ហាទាំងអស់ដែលពួកគេបង្កើតសម្រាប់ពួកយើងក៏ដោយ ។

លោកថា ពួកយើងនឹងមិនឱនក្បាលចុះជាដាច់ខាត ជាការប្រឈមនឹងផលវិបាកទាំង ។ ដូចដែលអ្នកមិនឱនក្បាលចុះចំពោះការលំបាក ពួកយើងក៏មិនឱនក្បាលចុះ ក្នុងការប្រឈមជាមួយបញ្ហាទាំងនេះនោះដែរ ។

គួរឲ្យដឹងថា លោកប្រធានាធិបតី Donald Trump បានជំរុញឲ្យសហរដ្ឋអាមេរិកពន្លឿនវិធានការធ្វើសង្គ្រាមជាមួយអ៊ីរ៉ង់ ។ លោកបានបញ្ជាឲ្យបង្កើនកងកម្លាំងយ៉ាងច្រើន នៅតំបន់មជ្ឈិមបូព៌ា និងរៀបចំ សម្រាប់ការវាយប្រហារតាមអាកាសរយៈពេលច្រើនសប្តាហ៍លើអ៊ីរ៉ង់ ។

ទោះបីជាយ៉ាងណាក៏ដោយ មន្ត្រីជាន់ខ្ពស់មួយរូបរបស់សេតវិមាន បាននិយាយថា ទោះបីជាលោក Trump មានវោហាសាស្ត្រធ្វើសង្គ្រាមក៏ដោយ ក៏នៅតែមិនមានការគាំទ្ររួមគ្នានៅក្នុងរដ្ឋបាលនោះដែរ ដើម្បីបន្តវិធានការវាយប្រហារលើអ៊ីរ៉ង់ ៕