ក្រសួងការបរទេសអ៊ីរ៉ង់ បាននិយាយកាលពីថ្ងៃសៅរ៍ថា ប្រទេសនេះ បានចាត់តាំងកងទ័ពជើងទឹក និងកងទ័ពអាកាសរបស់រដ្ឋសមាជិកទាំងអស់នៃសហភាពអឺរ៉ុប (EU) ជាអង្គការភេរវកម្ម។

ក្រសួងបាននិយាយនៅក្នុងសេចក្តីថ្លែងការណ៍មួយថា ចំណាត់ការនេះ គឺដើម្បីឆ្លើយតបទៅនឹងការសម្រេចចិត្តថ្មីៗរបស់សហភាពអឺរ៉ុប ដែលដាក់កងកម្លាំងឆ្មាំបដិវត្តន៍ឥស្លាម (IRGC) របស់អ៊ីរ៉ង់ ក្នុងបញ្ជីអង្គការភេរវកម្ម។ 

សេចក្តីថ្លែងការណ៍នេះ បានបញ្ជាក់ថា ការសម្រេចចិត្តរបស់សហភាពអឺរ៉ុប គឺ «ផ្ទុយនឹងគោលការណ៍ និងច្បាប់ជាមូលដ្ឋាននៃធម្មនុញ្ញអង្គការសហប្រជាជាតិ និងច្បាប់អន្តរជាតិ»។

សេចក្តីថ្លែងការណ៍បានបន្ថែមថា រដ្ឋាភិបាលអ៊ីរ៉ង់បានឆ្លើយតបវិញ ដោយផ្អែកលើគោលការណ៍ ក្រោមច្បាប់ឆ្នាំ ២០១៩ ដែលចែងថា «ប្រទេសទាំងអស់ដែលអនុវត្តតាម ឬគាំទ្រការសម្រេចចិត្តរបស់សហរដ្ឋអាមេរិក ក្នុងការប្រកាស IRGC ជាអង្គការភេរវកម្មតាមមធ្យោបាយណាមួយ នឹងត្រូវទទួលរងនូវសកម្មភាពតបតវិញ»។

ក្រុមប្រឹក្សាសហភាពអឺរ៉ុបកាលពីថ្ងៃព្រហស្បតិ៍ បានបន្ថែម IRGC ជាផ្លូវការទៅក្នុងបញ្ជីភេរវកររបស់ប្លុកបន្ទាប់ពីកិច្ចព្រមព្រៀងនយោបាយដែលសម្រេចបានដោយរដ្ឋមន្ត្រីការបរទេសសហភាពអឺរ៉ុប កាលពីខែ  មុន៕