នគរបាលជាតិបាននិយាយកាលពីថ្ងៃអាទិត្យថា មន្ត្រីនគរបាលម្នាក់ បានស្លាប់ និង មនុស្ស ២៤នាក់ ផ្សេងទៀត រងរបួស បន្ទាប់ពីគ្រាប់បែកជាច្រើនគ្រាប់ បានផ្ទុះឡើង នៅពាក់កណ្តាលអធ្រាត្រ នៅក្នុងទីក្រុង Lviv ភាគខាងលិចប្រទេសអ៊ុយក្រែន។  

នគរបាល បាននិយាយនៅលើសេវាផ្ញើសារ Telegram ថា៖«ហេតុការណ៍នេះ ត្រូវបានបញ្ជាក់ជាបឋមថា គ្រាប់បែកដែលត្រូវបានផលិតនៅក្នុងស្រុក បានផ្ទុះឡើង»។

នគរបាលបាននិយាយថា ការផ្ទុះលើកដំបូង បានកើតឡើង បន្ទាប់ពីក្រុមល្បាត បានមកដល់កន្លែងកើតហេតុដែលសង្ស័យថា ជាការវាយឆ្មក់ចូលក្នុងហាងលក់ទំនិញមួយ ខណៈដែលការផ្ទុះលើកទី ២ បានកើតឡើង បន្តិចក្រោយមក។

អភិបាលក្រុង Lviv លោក Andriy Sadovyi បានហៅហេតុការណ៍នេះថា ជាអំពើភេរវកម្ម៕