ភាគហ៊ុនអាស៊ីភាគច្រើនបានកើនឡើង ហើយប្រាក់ដុល្លារអាមេរិកបានធ្លាក់ចុះនៅថ្ងៃចន្ទ ២៣កុម្ភៈនេះ បន្ទាប់ពីតុលាការកំពូលសហរដ្ឋអាមេរិកបានលុបចោលគោលនយោបាយពន្ធរបស់ប្រធានាធិបតី Trump ដែលបានបង្កឱ្យមានការភ្ញាក់ផ្អើលយ៉ាងខ្លាំងដល់សេដ្ឋកិច្ចពិភពលោកកាលពីឆ្នាំមុន។

ការកើនឡើងនេះត្រូវបានដឹកនាំដោយក្រុមហ៊ុនបច្ចេកវិទ្យា ដែលជាក្រុមហ៊ុនឈានមុខគេក្នុងការកើនឡើងក្នុងតំបន់នៅឆ្នាំនេះ ខណៈពាណិជ្ជករងាកចេញពី Wall Street ដើម្បីស្វែងរកការវិនិយោគដែលមានតម្លៃទាបជាង ស្របពេលមានការព្រួយបារម្ភអំពីការវាយតម្លៃរយៈពេលវែង។

របៀបវារៈពាណិជ្ជកម្មរបស់លោក Trump បានរងការវាយបកដ៏ខ្លាំងក្លាកាលពីថ្ងៃសុក្រ នៅពេលដែលតុលាការកំពូលរបស់ប្រទេសនេះបានសម្រេចថា អំណាចសេដ្ឋកិច្ចគ្រាអាសន្នអន្តរជាតិដែលត្រូវបានប្រើប្រាស់ដោយសេតវិមានក្នុងការដំឡើងពន្ធដ៏ខ្ពស់កាលពីខែមេសានោះ មិនមានអំណាចឱ្យប្រធានាធិបតីដំឡើងពន្ធបែបនេះនោះទេ។

ប្រធានាធិបតីដែលពោពេញដោយកំហឹងបានសន្យាភ្លាមៗថានឹងដាក់ពន្ធសកលចំនួន១០%ក្រោមអាជ្ញាធរដាច់ដោយឡែកមួយ មុនពេលដំឡើងដល់១៥% នៅថ្ងៃសៅរ៍២១កុម្ភៈចុងសប្ដាហ៍មុន។

ទោះជាយ៉ាងណាក៏ដោយ ការវិវត្តន៍នេះបានបង្កឱ្យមានភាពមិនច្បាស់លាស់ជាថ្មីមួយ ដោយមានការអំពាវនាវឱ្យរដ្ឋាភិបាលសងប្រាក់វិញដែលយកក្រោមគម្រោងនេះ ហើយក្រុមអ្នកវិភាគព្រមានថាក្រុមមន្ត្រីទំនងជានឹងបន្តវិធីផ្សេងទៀតដើម្បីដាក់ពន្ធរបស់លោក។

ក្រុមហ៊ុនភាគហ៊ុន Hong Kong បានហក់ឡើងជាង២% ខណៈ Alibaba និង JD.com កើនឡើងជាង៣% ស្របពេលភាគហ៊ុន Seoul បានកើនឡើងខ្ពស់មួយផ្សេងទៀត។

ភាគហ៊ុន នៅ Singapore, Wellington របស់នូវែលហ្សេឡង់, Taipei និង Manila របស់ហ្វីលីពីនក៏បានកើនឡើងដែរទោះបីជាភាគហ៊ុននៅទីក្រុង Sydney របស់អូស្ត្រាលីធ្លាក់ចុះក៏ដោយ។ ចំណែកទីក្រុង Tokyo និង Shanghaiនៅតែបិទទ្វារព្រោះរដូវឈប់សម្រាកចូលឆ្នាំចិន៕