និស្សិតប្រទេសអ៊ីរ៉ង់រាប់ពាន់នាក់ បានធ្វើបាតុកម្មនៅសាកលវិទ្យាល័យនានាក្នុងទីក្រុងតេអេរ៉ង់ និងនៅទូទាំងប្រទេសសម្រាប់ថ្ងៃទីពីរ ខណៈសាសកលវិទ្យាបានបើកឡើងវិញមួយខែបន្ទាប់ពីការតវ៉ានៅទូទាំងប្រទេសយ៉ាងខ្លាំងក្លា។

មនុស្សរាប់ពាន់នាក់ត្រូវបានសម្លាប់ក្នុងអំឡុងពេលបាតុកម្ម ភាគច្រើនកាលពីយប់ថ្ងៃទី ៨ និងទី៩ ខែមករា ក្នុងអំឡុងពេលដែលរដ្ឋបានបិទប្រព័ន្ធទំនាក់ទំនង ខណៈប្រទេសនេះប្រឈមទៅនឹងការគំរាមកំហែងនៃសង្គ្រាមមួយផ្សេងទៀតជាមួយសហរដ្ឋអាមេរិក និងអ៊ីស្រាអែល។

វិទ្យាស្ថានឧត្តមសិក្សាធំៗនៅក្នុងរដ្ឋធានី រួមទាំងសាកលវិទ្យាល័យតេអេរ៉ង់ សាកលវិទ្យាល័យបច្ចេកវិទ្យាSharif សាកលវិទ្យាល័យAmirkabir និងសាកលវិទ្យាល័យShahid Beheshti បានឃើញមនុស្សជាច្រើនចូលរួមក្នុងការតវ៉ាកាលពីថ្ងៃអាទិត្យ។

ការប៉ះទង្គិចគ្នា បានផ្ទុះឡើងរវាងនិស្សិតប្រឆាំងរដ្ឋាភិបាល និងអ្នកដែលគាំទ្ររដ្ឋមានមេដឹកនាំសាសនាជាធំដែលពួកគេភាគច្រើន មានទំនាក់ទំនងជាមួយអង្គការ Basij ជាយោធាប៉ារ៉ានៃកងឆ្មាំបដិវត្តន៍អ៊ីស្លាមនិយម (IRGC)។

ដងផ្លូវនានានៅខាងក្រៅសាកលវិទ្យាល័យ ក៏បានឃើញវត្តមានកងកម្លាំងសន្តិសុខប្រដាប់អាវុធយ៉ាងច្រើន រួមទាំងកងកម្លាំងមួយចំនួនត្រូវបានគេថតសកម្មភាពដោយចាត់ទុកថា «មិនសមរម្យ» បន្ទាប់ពីបានរុញច្រាននិស្សិតដោយហិង្សានៅច្រកចូលធំមួយនៅសាកលវិទ្យាល័យតេអេរ៉ង់។

និស្សិត ក៏បានតវ៉ានៅសាកលវិទ្យាល័យ Ferdowsi ទីក្រុង Mashhad មានទីតាំងនៅក្នុងទីក្រុងពិសិដ្ឋ Shia នៅភាគឦសានប្រទេសអ៊ីរ៉ង់ ជាចំណុចក្តៅសម្រាប់ការតវ៉ានៅក្នុងខែមករានេះ។