សមាគមអ្នកទោសប៉ាឡេស្ទីនបានរាយការណ៍កាលពីថ្ងៃអាទិត្យថា កងកម្លាំងអ៊ីស្រាអែល បានឃាត់ខ្លួនជនជាតិប៉ាឡេស្ទីនជាង ១០០នាក់ មកពីតំបន់វេសបែង ( West Bank) ក្នុងនោះមានស្ត្រី កុមារ និងអតីតអ្នកទោស ចាប់តាំងពីការចាប់ផ្តើមនៃខែបុណ្យរ៉ាម៉ាឌន ដ៏ពិសិដ្ឋនេះ។ 

អង្គការនេះ បាននិយាយថា ការឃាត់ខ្លួនទាំងនេះ បានកើតឡើងស្របគ្នានឹងការប្រកាសរបស់អ៊ីស្រាអែលអំពីការបង្កើនសកម្មភាពបែបនេះក្នុងអំឡុងពេលបុណ្យរ៉ាម៉ាឌន ដោយការវាយប្រហាររបស់អ្នកតាំងលំនៅថ្មីៗនេះ បានបិទបាំងការឃាត់ខ្លួនទាំងនេះ នៅទូទាំងខេត្តភាគច្រើននៃតំបន់វេសបែង រួមទាំងក្រុងហ្ស៊េរុយសាឡឹមផងដែរ។ អ្នកដែលត្រូវបានឃាត់ខ្លួនជាច្រើនមកពីក្រុងហ្ស៊េរុយសាឡឹម ត្រូវបានហាមឃាត់មិនឲ្យចូលទៅក្នុងវិហារ Al-Aqsa ទេ។

សេចក្តីថ្លែងការណ៍មួយ បានចង្អុលបង្ហាញថា ការចាប់ខ្លួនដោយជនជាតិអ៊ីស្រាអែល ត្រូវបានអមដោយការសួរចម្លើយយ៉ាងទូលំទូលាយ ដែលជារឿយៗផ្តោតលើគ្រប់ផ្នែកទាំងអស់នៃសង្គមប៉ាឡេស្ទីន។

ការរំលោភបំពានដែលបានកត់ត្រាអមដោយការឃុំខ្លួនរួមមានការវាយដំយ៉ាងធ្ងន់ធ្ងរ យុទ្ធនាការភេរវកម្មដែលបានរៀបចំប្រឆាំងនឹងអ្នកជាប់ឃុំ និងក្រុមគ្រួសាររបស់ពួកគេ ការបំផ្លាញ និងការលួចប្លន់ទ្រព្យសម្បត្តិនៅតាមផ្ទះ ការរឹបអូសយានយន្ត ប្រាក់ និងមាស ការបំផ្លាញផ្ទះសម្បែងគ្រួសារ ការប្រើប្រាស់សមាជិកគ្រួសារជាចំណាប់ខ្មាំង ការប្រើប្រាស់អ្នកទោសជាខែលមនុស្ស និងការប្រហារជីវិតក្រៅប្រព័ន្ធតុលាការ៕