⁠ប្រធានាធិបតីអ៊ីរ៉ង់ លោក Masoud Pezeshkian បាននិយាយថា កិច្ចចរចានុយក្លេអ៊ែរជាមួយសហរដ្ឋអាមេរិក បានបង្កើត «សញ្ញាជំរុញទឹកចិត្ត» ប៉ុន្តែបានព្រមានថា ទីក្រុងតេអេរ៉ង់ បានត្រៀមជាស្រេចសម្រាប់សេណារីយ៉ូណាមួយ មុនពេលការចរចាជុំមួយផ្សេងទៀតដែលគ្រោងធ្វើនៅថ្ងៃព្រហស្បតិ៍ខាងមុខនេះ។ការអត្ថាធិប្បាយរបស់លោកកាលពីថ្ងៃអាទិត្យ ធ្វើឡើងក្នុងពេលមានការព្រួយបារម្ភកាន់តែខ្លាំងឡើងអំពីជម្លោះយោធា ដោយទីក្រុងវ៉ាស៊ីនតោនកំពុងបង្កើនវត្តមានយោធារបស់ខ្លួននៅក្នុងឈូងសមុទ្រ ហើយប្រធានាធិបតីអាមេរិក លោក ដូណាល់ ត្រាំ បានព្រមានអំពី «រឿងអាក្រក់ៗជាច្រើន» ប្រសិនបើពុំមានកិច្ចព្រមព្រៀងណាមួយត្រូវបានឈានដល់លើកម្មវិធីនុយក្លេអ៊ែររបស់ទីក្រុងតេអេរ៉ង់។

លោក Pezeshkian បានសរសេរនៅលើបណ្តាញ X ថា «អ៊ីរ៉ង់ប្តេជ្ញាចិត្តចំពោះសន្តិភាពនិងស្ថិរភាព ក្នុងតំបន់»។ លោកនិយាយថា «ការចរចាកាលពីពេលថ្មីៗនេះ ពាក់ព័ន្ធនឹងការផ្លាស់ប្តូរសំណើជាក់ស្តែង និងបានផ្តល់សញ្ញាជំរុញទឹកចិត្ត។ ទោះជាយ៉ាងណា យើងនៅបន្តតាមដានសកម្មភាពរបស់សហរដ្ឋអាមេរិកយ៉ាងដិតដល់ និងបានត្រៀមជាចាំបាច់ទាំងអស់សម្រាប់សេណារីយ៉ូដែលអាចកើតមាន»។

សុទិដ្ឋិនិយមដោយប្រុងប្រយ័ត្ន បានធ្វើឡើងបន្ទាប់ពីរដ្ឋមន្ត្រីការបរទេសអូម៉ង់ លោក Badr Al Busaidi បានបញ្ជាក់ពីកិច្ចចរចាជុំទីបីដោយប្រយោលរវាងភាគីទាំងពីរនៅប្រទេសស្វីស។ លោក Al Busaidi ជាអ្នកសម្របសម្រួលក្នុងការចរចាដោយប្រយោលរវាងទីក្រុងវ៉ាស៊ីនតោន និងទីក្រុងតេអេរ៉ង់ និយាយថា «យើងរីករាយក្នុងការបញ្ជាក់ថា ការចរចារវាងសហរដ្ឋអាមេរិក និងអ៊ីរ៉ង់ បច្ចុប្បន្នត្រូវបានកំណត់នៅក្នុងទីក្រុងហ្សឺណែវនៅថ្ងៃព្រហស្បតិ៍ខាងមុខនេះ ដោយការជំរុញជាវិជ្ជមានខណៈខិតខំប្រឹងប្រែងបន្ថែមទៀតដើម្បីបញ្ចប់កិច្ចព្រមព្រៀងនេះ» ។