ក្រុមេដឹកនាំសហភាពអឺរ៉ុប ចូលរួមជាមួយប្រធានាធិបតីអ៊ុយក្រែនលោក Volodymyr Zelenskiy ក្នុងពិធីបួងសួងមួយនៅទីក្រុងគីវ នាថ្ងៃអង្គារនេះ ស្របពេលដែលអ៊ុយក្រែនប្រារព្ធខួប ៤ឆ្នាំនៃការវាយលុកពេញបន្ទុករបស់រុស្ស៊ី ។

នៅក្នុងព្រះវិហារ Saint Sophia ក្រុមមេដឹកនាំអឺរ៉ុប បានឈរជាជួរជាមួយមន្រ្តីសង្ឃមកពីនិកាយផ្សេងៗគ្នា និងបព្វជិតយោធា ពេលដែលក្រុមអ្នកគោរពបូជា ត្រូវបានគេអានសារសម្រាប់ទាហាន និងជនស៊ីវិលអ៊ុយក្រែន ។

 ខណៈពេលនោះដែរ វិមានក្រឹមឡាំង បាននិយាយនៅថ្ងៃអង្គារនេះថា ការសម្រេចចិត្តរបស់បណ្តាប្រទេសលោកខាងលិច ក្នុងការជ្រៀតជ្រែកក្នុងជម្លោះ នៅអ៊ុយក្រែន មានន័យថា វាបានក្លាយជាការប្រឈមមុខដាក់គ្នាកាន់តែធំឡើងៗជាមួយបណ្ដាប្រទេសដែលរុស្ស៊ីជឿថា ចង់ធ្វើឲ្យខ្លួនទន់ខ្សោយ ។

 អំឡុងពេលថ្លែងពីរយៈពេល ៤ឆ្នាំគត់ បន្ទាប់ពីកងទ័ពរុស្ស៊ីរាប់ម៉ឺននាក់ បានវាយលុកចូលទៅក្នុងប្រទេសអ៊ុយក្រែនតាមបញ្ជារបស់ប្រធានាធិបតី លោក Vladimir Putin អ្នកនាំពាក្យវិមានក្រឹមឡាំង លោក Dmitry Peskov និយាយថា ការប្រយុទ្ធគ្នានៅតែបន្តមាន ប៉ុន្តែទីក្រុងមូស្គូនៅតែបើកចំហ សម្រាប់ការសម្រេចគោលបំណងរបស់ខ្លួន តាមរយៈមធ្យោបាយនយោបាយ និងការទូត ៕