អ្នកស្រុករស់នៅក្នុងតំបន់សហគមន៍ជនបទ Uspantan របស់ប្រទេសហ្គាតេម៉ាឡា បានបង្ហាញក្តីបារម្ភរបស់ខ្លួនចំពោះការដកចេញគ្រូពេទ្យគុយបា ដែលធ្លាប់ជាកម្លាំងចលករដ៏សំខាន់នៅក្នុងប្រព័ន្ធថែទាំសុខភាពនៅតំបន់នោះអស់រយៈពេលជាច្រើនឆ្នាំមកហើយ បន្ទាប់ពីការសម្រេចចិត្តរបស់រដ្ឋាភិបាល បញ្ចប់កិច្ចព្រមព្រៀងជាមួយគុយបា ។

ស្ថិតនៅចម្ងាយ ២៥០គ.ម ភាគនិរតីទីក្រុងហ្គាតេម៉ាឡា សហគមន៍ Uspantan ទទួលបានអត្ថប្រយោជន៍ពីសេវាកម្មផ្តល់ជូនដោយគ្រូពេទ្យអាជីពគុយបា នៅតាមមន្ទីរពេទ្យរដ្ឋ និងតាមមណ្ឌលសុខភាព ។

គ្រូពេទ្យទាំងនេះក្លាយជាផ្នែកមួយនៃហេដ្ឋារចនាសម្ព័ន្ធថែទាំសុខភាពក្នុងតំបន់ ផ្តល់សេវាកម្មជាច្រើន រួមទាំងឱសថទូទៅ ការវះកាត់ សម្ភព និងការថែទាំកុមារ ។

នៅដើមខែកុម្ភៈនេះ ក្រសួងសុខាភិបាលហ្គាតេម៉ាឡា បានប្រកាសថា ហ្គាតេម៉ាឡានឹងបញ្ចប់បន្តិចម្តងៗកម្មវិធីដែលគ្រូពេទ្យគុយបា បម្រើការនៅក្នុងប្រទេសមួយនេះ ។

ក្រសួងសុខាភិបាលហ្គាតេម៉ាឡា និយាយនៅក្នុងសេចក្តីថ្លែងការណ៍ថា បច្ចុប្បន្នមានកម្មករថែទាំសុខភាព ៤១២នាក់ រួមមានវេជ្ជបណ្ឌិត ៣៣៣នាក់ បម្រើការនៅប្រទេសហ្គាតេម៉ាឡា ដែលជាផ្នែកមួយនៃកម្មវិធី ។

ក្រសួងបន្តថា ការសម្រេចចិត្តនេះ ផ្អែកលើការវិភាគបច្ចេទេស ដើម្បីពង្រឹងប្រព័ន្ធសុខភាពជាតិ និងការធានាដល់និរន្តរភាពសេវាកម្ម ។

ការសម្រេចចិត្តនេះដែរ បន្ទាប់ពីមានកិច្ចព្រមព្រៀងពាណិជ្ជកម្មកាលពីពេលថ្មីរបស់ហ្គាតេម៉ាឡាជាមួយសហរដ្ឋអាមេរិក គាប់ជួននឹងកិច្ចខិតខំរបស់ប្រធានាធិបតី Donald Trump ដាក់សម្ពាធប្រទេសជាច្រើនឲ្យផ្តាច់ទំនាក់ទំនងជាមួយរដ្ឋាភិបាលគុយបា ៕